ਐਂਟਾਰਕਟਿਕਾ: ਕਿੰਨੀ ਖ਼ੂਬਸੂਰਤ ਹੈ ਪੈਂਗੁਇਨਾਂ ਦੀ ਦੁਨੀਆਂ

ਐਂਟਾਰਕਟਿਕਾ Image copyright Reuters

ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਐਂਟਾਰਕਟਿਕਾ ਵਿੱਚ ਪਿੱਛਲੇ 200 ਸਾਲਾਂ ਦੌਰਾਨ ਦੀ ਸਭ ਤੋਂ ਭਾਰੀ ਬਰਫਬਾਰੀ ਹੋ ਰਹੀ ਹੈ।

ਵਿਗਿਆਨੀਆਂ ਨੇ ਇਸ ਧਰੁਵੀ ਮਹਾਂਦੀਪ ਉੱਪਰ ਕਈ ਥਾਵਾਂ ਤੋਂ ਬਰਫ ਦੀਆਂ ਤਹਿਆਂ ਦੇ ਨਮੂਨੇ ਇਕੱਠੇ ਕੀਤੇ ਹਨ।

ਹਾਲਾਂਕਿ ਇਹ ਬਰਫਬਾਰੀ ਐਂਟਾਰਕਟਿਕਾ ਦੀ ਬਰਫਬਾਰੀ ਉੱਥੇ ਹੋ ਚੁੱਕੇ ਬਰਫ ਦੇ ਨੁਕਸਾਨ ਦੀ ਭਰਪਾਈ ਲਈ ਕਾਫ਼ੀ ਨਹੀਂ ਹੈ।

Image copyright Reuters

ਜਲਵਾਯੂ ਬਦਲਾਅ ਦਾ ਖ਼ਤਰਾ ਝੱਲ ਰਹੇ ਐਂਟਾਰਕਟਿਕਾ ਦੀ ਖ਼ੂਬਸੂਰਤ ਦੁਨੀਆਂ ਕਿਹੋ ਜਿਹੀ ਦਿਖਦੀ ਹੈ?

ਐਂਟਾਰਕਟਿਕਾ ਦੇ ਨਿਵਾਸੀ ਜੀਵਾਂ ਦਾ ਹਾਲ ਜਾਨਣ ਲਈ ਸਾਲ 2018 ਦੇ ਸ਼ੁਰੂ ਵਿੱਚ ਰਾਇਟਰਸ ਦੇ ਫੋਟੋ ਪੱਤਰਕਾਰ ਐਲਗਜੈਂਡਰ ਮੇਨੇਘਨੀ ਨੇ ਇਸ ਖੂਬਸੂਰਤ ਦੁਨੀਆਂ ਦੀ ਯਾਤਰਾ ਕੀਤੀ।

Image copyright Reuters

ਇਸ ਯਾਤਰਾ ਦਾ ਪ੍ਰਬੰਧ ਗ੍ਰੀਨਪੀਸ ਨੇ ਕੀਤਾ ਸੀ ਤਾਂ ਕਿ ਯੂਰਪੀ ਸੰਘ ਦੇ ਇੱਕ ਮਤੇ ਬਾਰੇ ਜਾਣਕਾਰੀ ਪਹੁੰਚਾਈ ਜਾ ਸਕੇ।

ਇਸ ਮਤੇ ਅਧੀਨ ਐਂਟਾਰਕਟਿਕਾ ਵਿੱਚ ਇੱਕ ਰੱਖ ਬਣਾਉਣ ਦੀ ਮੰਗ ਕੀਤੀ ਜਾ ਰਹੀ ਤਾਂ ਕਿ ਇਸ ਖੇਤਰ ਵਿੱਚ ਸਮੁੰਦਰੀ ਜੀਵਨ ਵੱਧ ਫੁੱਲ ਸਕੇ।

Image copyright Reuters

ਚਾਰ ਦਿਨ ਲੰਮੀ ਯਾਤਰਾ ਤੋਂ ਬਾਅਦ ਮੇਨੇਘਨੀ ਇਸ ਬਰਫ਼ ਨਾਲ ਢੱਕੇ ਮਹਾਂਦੀਪ 'ਤੇ ਪਹੁੰਚੇ ਜਿੱਥੇ ਉਨ੍ਹਾਂ ਨੇ ਵ੍ਹੇਲ, ਪੈਂਗੁਇਨ ਅਤੇ ਵੱਡੇ ਗਲੇਸ਼ੀਅਰ ਦੇਖੇ।

ਵ੍ਹੇਲ ਮੱਛੀਆਂ ਲਈ ਬਣਾਈ ਜਾਣ ਵਾਲੀ ਇਹ ਸਮੁੰਦਰੀ ਰੱਖ 11 ਲੱਖ ਵਰਗ ਮੀਲ ਖੇਤਰ ਵਿੱਚ ਫੈਲੀ ਹੋਵੇਗੀ।

Image copyright Reuters

ਇਸ ਵਿੱਚ ਵ੍ਹੇਲ, ਸੀਲ, ਪੈਂਗੁਇਨ ਅਤੇ ਕਈ ਤਰ੍ਹਾਂ ਦੀਆਂ ਮੱਛੀਆਂ ਦਾ ਕੁਦਰਤੀ ਨਿਵਾਸ ਸ਼ਾਮਲ ਹੋਵੇਗਾ।

ਜੇ ਇਸ ਮਤੇ ਨੂੰ ਅਮਲੀ ਜਾਮਾ ਪਾ ਦਿੱਤਾ ਗਿਆ ਤਾਂ ਇਹ ਰੱਖ ਦੁਨੀਆਂ ਦੀ ਸਭ ਤੋਂ ਵੱਡੀ ਰੱਖ ਹੋਵੇਗੀ।

Image copyright Reuters

ਚਿੱਲੀ ਦੇ ਪੂੰਟਾ ਅਰੇਨਾ ਤੋਂ ਇਸ ਟੀਮ ਨੇ ਕੁਦਰਤੀ ਜੀਵਨ ਤੇ ਜਲਵਾਯੂ ਦੀ ਤਬਦੀਲੀ, ਪ੍ਰਦੂਸ਼ਣ ਅਤੇ ਮੱਛੀ ਉਦਯੋਗ ਦੇ ਪ੍ਰਭਾਵਾਂ ਦਾ ਅਧਿਐਨ ਕਰਨਾ ਸ਼ੁਰੂ ਕੀਤਾ।

ਇਸ ਮਿਸ਼ਨ ਦੀ ਅਗਵਾਈ ਕਰਨੇ ਵਾਲੇ ਟੌਮ ਫੋਰਮੈਨ ਨੇ ਕਿਹਾ, "ਐਂਟਾਰਕਟਿਕਾ ਹਾਲੇ ਵੀ ਐਂਟਾਰਕਟਿਕਾ ਸਮਝੌਤੇ ਅਧੀਨ ਸੁਰੱਖਿਅਤ ਹੈ ਪਰ ਇਸਦੇ ਆਸਪਾਸ ਦੇ ਖੇਤਰ ਦੀ ਦੁਰਵਰਤੋਂ ਦੇ ਸ਼ੱਕ ਹਨ। ਅਜਿਹੇ ਵਿੱਚ ਕਈ ਤਰ੍ਹਾਂ ਦੀਆਂ ਪ੍ਰਜਾਤੀਆਂ ਲਈ ਲੋੜੀਂਦੇ ਇਸ ਖੇਤਰ ਨੂੰ ਸੁਰੱਖਿਅਤ ਕਰਨ ਦੇ ਮੌਕੇ ਵੀ ਹੱਥੋਂ ਜਾਣ ਨਹੀਂ ਦਿੱਤੇ ਜਾ ਸਕਦੇ।"

Image copyright Reuters

ਪੈਂਗੁਇਨਜ਼ ਤੋਂ ਇਲਾਵਾ ਉਨ੍ਹਾਂ ਨੂੰ ਹੈਲੀਕੌਪਟਰ ਰਾਹੀਂ ਸੀਲਾਂ ਦੇਖਣ ਦਾ ਵੀ ਮੌਕਾ ਮਿਲਿਆ।

ਇਸ ਸਮੂਹ ਨੇ ਕਰਵਰਵਿਲੇ ਦੀਪ, ਹਾਫ਼ ਮੂਨ ਖਾੜੀ, ਡੈਂਕੋ ਦੀਪ, ਨੇਕੋ ਬੰਦਰਗਾਹ ਅਤੇ ਹੀਰੇ ਖਾੜੀ ਦੀ ਯਾਤਰੀ ਕੀਤੀ।

Image copyright Reuters

ਇਸ ਟੀਮ ਨੇ ਐਂਟਾਰਕਟਿਕਾ ਦੇ ਡਿਸੈਪਸ਼ਨ ਦੀਪ ਦੀ ਯਾਤਰਾ ਕੀਤੀ ਜੋ ਕਿ ਕਾਲਡੋਰਾ ਵਿੱਚ ਐਂਟਾਰਕਟਿਕਾ ਦਾ ਜੀਵਤ ਜਵਾਲਾਮੁਖੀ ਹੈ।

ਇਸ ਦੀਪ ਉੱਤੇ ਇੱਕ ਪੁਰਾਣੀ ਵ੍ਹੇਲਿੰਗ ਫੈਕਟਰੀ ਅਤੇ ਇੱਕ ਛੋਟਾ ਜਿਹਾ ਕਬਰਿਸਤਾਨ ਸੀ।

Image copyright Reuters

ਮੈਨੇਘਿਨੀ ਕਹਿੰਦੇ ਹਨ, "ਲੋਕਾਂ ਦਾ ਸੋਚ ਤੋਂ ਉਲਟ ਐਂਐਂਟਾਰਕਟਿਕਾ ਵਿੱਚ ਪੈਂਗੁਇਨ, ਸੀਬਰਡ, ਸੀ-ਵ੍ਹੇਲ ਦੀਆਂ ਕਈ ਪ੍ਰਜਾਤੀਆਂ ਅਕਸਰ ਦੇਖਣ ਨੂੰ ਮਿਲ ਜਾਂਦੀਆਂ ਹਨ।"

Image copyright Reuters

ਉਹ ਕਹਿੰਦੇ ਹਨ, "ਪੈਂਗੁਇਨ ਨਾਲ ਮੇਰੀ ਮੁਲਾਕਾਤ ਇੱਕ ਬੇਹੱਦ ਖ਼ੂਬਸੂਰਤ ਅਤੇ ਕਦੇ ਨਾ ਭੁੱਲਣ ਵਾਲਾ ਤਜਰਬਾ ਰਿਹਾ। ਉਹ ਇਨਸਾਨਾਂ ਨੂੰ ਸ਼ਿਕਾਰੀਆਂ ਵਾਂਗ ਨਹੀਂ ਦੇਖਦੇ ਅਤੇ ਤੁਹਾਨੂੰ ਕਈ ਘੰਟੇ ਘੇਰ ਕੇ ਖੜੇ ਰਹਿ ਸਕਦੇ ਹਨ। ਮੇਰੇ ਕੁੱਤੇ ਤੋਂ ਇਲਾਵਾ ਉਹ ਦੁਨੀਆਂ ਦੇ ਖ਼ੂਬਸੂਰਤ ਜੀਵ ਹਨ।"

Image copyright Reuters

ਮੈਨੇਘਇਨੀ ਕਹਿੰਦੇ ਹਨ ਕਿ ਮੇਰੀਆਂ ਖਿੱਚੀਆਂ ਹੋਈਆਂ ਤਸਵੀਰਾਂ ਇਨ੍ਹਾਂ ਥਾਵਾਂ ਨੂੰ ਆਪਣੀਆਂ ਅੱਖਾਂ ਨਾਲ ਦੇਖਣ ਦੇ ਤਜਰਬੇ ਨਾਲ ਨਿਆਂ ਨਹੀਂ ਕਰ ਸਕਦੇ।

Image copyright Reuters
Image copyright Reuters
Image copyright Reuters
Image copyright Reuters
Image copyright Reuters

ਕੌਮਾਂਤਰੀ ਸੰਗਠਨ ਗ੍ਰੀਨਪੀਸ ਦਾ ਇੱਕ ਜਹਾਜ਼ ਐਂਟਾਰਕਟਿਕਾ 'ਚ ਨਵੇਂ ਵਿਗਿਆਨਕ ਸਬੂਤਾਂ ਦੀ ਭਾਲ ਕਰ ਰਿਹਾ ਹੈ। ਵਿਗਿਆਨੀ ਕਹਿੰਦੇ ਹਨ ਕਿ ਇੱਥੇ ਸਮੁੰਦਰ ਦੇ ਕੰਡੇ ਦੇ ਇੱਕ ਵਾਤਾਵਰਣ ਤੰਤਰ ਹੈ ਜਿਸ ਨੂੰ ਇੱਕ ਖ਼ਾਸ ਸੁਰੱਖਿਆ ਦੀ ਲੋੜ ਹੈ।

ਇਸ ਮਿਸ਼ਨ ਵਿੱਚ ਭਾਰਤੀ ਮੂਲ ਦੀ ਮੀਨਾ ਰਾਜਪੂਤ ਵੀ ਸ਼ਾਮਲ ਹੈ। ਉਨ੍ਹਾਂ ਬਾਰੇ ਪਰਿਵਾਰ ਦਾ ਕਹਿਣਾ ਹੈ ਕਿ ਉਹ ਵਿਆਹ ਤੋਂ ਬਚਣ ਲਈ ਉੱਥੇ ਗਏ ਹਨ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)