ਕੀ ਸਿਕੰਦਰ ਨੂੰ ਇਸੇ ਤਾਬੂਤ ਵਿੱਚ ਦਫ਼ਨਾਇਆ ਗਿਆ ਸੀ?

ਸਿਕੰਦਰ
ਫੋਟੋ ਕੈਪਸ਼ਨ ਖੋਜ ਨੇ ਇਸ ਸੰਭਾਵਨਾ ਨੂੰ ਜਨਮ ਦਿੱਤਾ ਹੈ ਕਿ ਕਿਤੇ ਇਹ ਮਹਾਨ ਸਿੰਕਦਰ ਦੀ ਗੁਆਚੀ ਹੋਈ ਕਬਰ ਤਾਂ ਨਹੀਂ ਹੈ

ਪੁਰਾਤੱਤਵ ਵਿਗਿਆਨੀਆਂ ਦੇ ਇੱਕ ਸਮੂਹ ਨੂੰ ਇਸੇ ਮਹੀਨੇ ਉੱਤਰੀ ਮਿਸਰ ਦੇ ਤੱਟੀ ਸ਼ਹਿਰ ਅਲੈਗਜ਼ੈਂਡ੍ਰੀਆ ਵਿੱਚ ਦੋ ਹਜ਼ਾਰ ਸਾਲ ਪੁਰਾਣਾ ਇੱਕ ਰਹੱਸਮਈ ਤਾਬੂਤ ਮਿਲਿਆ ਹੈ।

ਮਿਸਰ ਦੇ ਅਧਿਕਾਰੀਆਂ ਮੁਤਾਬਕ, ਇਹ ਸ਼ਹਿਰ ਵਿੱਚ ਮਿਲਿਆ ਹੁਣ ਤੱਕ ਦਾ ਸਭ ਤੋਂ ਵੱਡਾ ਤਾਬੂਤ ਹੈ। ਕਾਲੇ ਗ੍ਰੈਨਾਈਟ ਨਾਲ ਬਣੇ ਇਸ ਤਾਬੂਤ ਦੀ ਉੱਚਾਈ ਕਰੀਬ 2 ਮੀਟਰ ਅਤੇ ਭਾਰ 30 ਟਨ ਹੈ।

ਇਹ ਵੀ ਪੜ੍ਹੋ:

Image copyright Ministry of Antiquities/FACEBOOK
ਫੋਟੋ ਕੈਪਸ਼ਨ ਮਿਸਰ ਦੇ ਅਧਿਕਾਰੀਆਂ ਮੁਤਾਬਕ, ਇਹ ਸ਼ਹਿਰ ਵਿੱਚ ਮਿਲਿਆ ਹੁਣ ਤੱਕ ਦਾ ਸਬ ਤੋਂ ਵੱਡਾ ਤਾਬੂਤ ਹੈ।

ਮਿਸਰ ਦੇ ਪੁਰਾਤੱਤਵ ਮੰਤਰਾਲੇ ਨੇ ਆਪਣੇ ਅਧਿਕਾਰਤ ਫੇਸਬੁੱਕ ਅਕਾਊਂਟ 'ਤੇ ਲਿਖਿਆ, "ਇਹ 265 ਸੈਂਟੀਮੀਟਰ ਲੰਬਾ, 185 ਸੈਂਟੀਮੀਟਰ ਉੱਚਾ ਅਤੇ 165 ਸੈਂਟੀਮੀਟਰ ਚੌੜਾ ਹੈ।"

ਅਜਿਹਾ ਮੰਨਿਆ ਜਾ ਰਿਹਾ ਹੈ ਇਸ ਤਾਬੂਤ ਦਾ ਸੰਬੰਧ ਟੋਲੋਮੇਇਕ ਕਾਲ (300-200 ਈਸਾ ਪੂਰਵ) ਨਾਲ ਹੈ। ਇਸ ਦੀ ਸ਼ੁਰੂਆਤ ਸਿਕੰਦਰ ਦੀ ਮੌਤ ਨਾਲ ਹੋਈ ਸੀ, ਜਿਨ੍ਹਾਂ ਨੇ ਅਲੈਗਜੈਂਡ੍ਰੀਆ ਸ਼ਹਿਰ ਨੂੰ ਵਸਾਇਆ ਸੀ।

ਇਹ ਤਾਬੂਤ ਕੁਝ ਨਿਰਮਾਣ ਕਾਰਜਾਂ ਤੋਂ ਪਹਿਲਾਂ ਜ਼ਮੀਨ ਦੀ ਜਾਂਚ ਦੌਰਾਨ ਮਿਲਿਆ ਅਤੇ ਇਸ ਦੀ ਚੰਗੀ ਹਾਲਤ ਤੇ ਆਕਾਰ ਦੇਖ ਕੇ ਮਾਹਿਰ ਵੀ ਹੈਰਾਨੀ ਵਿੱਚ ਪੈ ਗਏ ਹਨ।

Image copyright Ministry of Antiquities/FACEBOOK
ਫੋਟੋ ਕੈਪਸ਼ਨ ਖੋਜ ਪੂਰੀ ਨਿਗਰਾਨੀ ਵਿੱਚ ਹੈ ਅਤੇ ਮਾਹਿਰ ਇਹ ਪਤਾ ਲਗਾਉਣ ਲਈ ਤਿਆਰ ਹੈ ਕਿ ਆਖ਼ਰ ਇਸ ਤਾਬੂਤ ਵਿੱਚ ਅਸਲ 'ਚ ਹੈ ਕੀ।

ਪੁਰਾਤੱਤਵ ਵਿਭਾਗ ਦੇ ਨਿਰਦੇਸ਼ਕ ਅਯਮਾਨ ਅਸ਼ਮਾਵੀ ਨੇ ਮੰਤਰਾਲੇ ਦੀ ਫੇਸਬੁੱਕ ਪੋਸਟ 'ਤੇ ਲਿਖਿਆ, "ਤਾਬੂਤ ਦੇ ਉਪਰੀ ਹਿੱਸੇ ਅਤੇ ਬਾਡੀ ਦੇ ਵਿੱਚ ਚੂਨੇ ਦੀ ਪਰਤ ਹੈ, ਜਿਸ ਤੋਂ ਸੰਕੇਤ ਮਿਲਦਾ ਹੈ ਕਿ ਪ੍ਰਾਚੀਨ ਕਾਲ 'ਚ ਇੱਕ ਵਾਰ ਬੰਦ ਕਰਨ ਤੋਂ ਬਾਅਦ ਇਹ ਫੇਰ ਨਹੀਂ ਖੋਲ੍ਹਿਆ ਗਿਆ।"

ਕੀ ਮਹਾਨ ਸਿਕੰਦਰ ਨਾਲ ਹੈ ਸੰਬੰਧ?

ਇਹ ਕੋਈ ਸਾਧਾਰਨ ਸਥਿਤੀ ਨਹੀਂ ਹੈ ਕਿਉਂਕਿ ਇਹ ਆਮ ਧਾਰਨਾ ਹੈ ਕਿ ਪ੍ਰਾਚੀਨ ਮਿਸਰ ਦੀਆਂ ਕਬਰਾਂ ਨੂੰ ਕਈ ਵਾਰ ਲੁੱਟਿਆ ਗਿਆ ਜਾਂ ਨੁਕਸਾਨ ਪਹੁੰਚਾਇਆ ਗਿਆ ਹੈ।

ਇਕ ਕਬਰ ਦੇ ਨੇੜੇ ਇੱਕ ਇਨਸਾਨੀ ਸਿਰ ਵਾਲੀ ਅਲਬੈਸਟਰ (ਇੱਕ ਪ੍ਰਕਾਰ ਦਾ ਕੀਮਤੀ ਚਿੱਟਾ ਪੱਥਰ) ਦੀ ਬਣੀ ਇੱਕ ਮੂਰਤੀ ਮਿਲੀ ਹੈ।

Image copyright Ministry of Antiquities/FACEBOOK
ਫੋਟੋ ਕੈਪਸ਼ਨ ਕਬਰ ਦੇ ਨੇੜੇ ਇੱਕ ਇਨਸਾਨੀ ਵਾਲੀ ਸਿਰ ਇੱਕ ਮੂਰਤੀ ਮਿਲੀ ਹੈ

ਬੀਬੀਸੀ ਵਰਲਡ ਸਰਵਿਸ ਦੇ ਅਫ਼ਰੀਕਾ ਖੇਤਰ ਦੇ ਸੰਪਾਦਕ ਰਿਚਰਡ ਹੈਮਿਲਟਨ ਕਹਿੰਦੇ ਹਨ, "ਖੋਜ ਨੇ ਇਸ ਸੰਭਾਵਨਾ ਨੂੰ ਜਨਮ ਦਿੱਤਾ ਹੈ ਕਿ ਕਿਤੇ ਇਹ ਮਹਾਨ ਸਿੰਕਦਰ ਦੀ ਗੁਆਚੀ ਹੋਈ ਕਬਰ ਤਾਂ ਨਹੀਂ ਹੈ।"

ਉਨ੍ਹਾਂ ਨੇ ਕਿਹਾ, "ਜੇਕਰ ਇਹ ਮਹਾਨ ਸਿਕੰਦਰ ਦਾ ਮਕਬਰਾ ਹੈ ਤਾਂ ਇਹ ਪੁਰਾਤੱਤਵ ਵਿਭਾਗ ਵੱਲੋਂ ਅੱਜ ਤੱਕ ਦੀਆਂ ਸਭ ਤੋਂ ਵੱਡੀਆਂ ਖੋਜਾਂ ਵਿੱਚੋਂ ਇੱਕ ਹੋਵੇਗੀ।"

ਹਾਲਾਂਕਿ, ਸੰਪਾਦਕ ਦੱਸਦੇ ਹਨ ਕਿ ਅਧਿਕਾਰੀ ਇਸ ਪਾਸੇ ਇਸ਼ਾਰਾ ਕਰ ਰਹੇ ਹਨ ਕਿ ਇੱਕ ਅਲੈਗਜੈਂਡ੍ਰੀਆ ਦੇ ਕਿਸੇ ਰਸੂਖ਼ਦਾਰ ਦਾ ਮਕਬਰਾ ਹੋ ਸਕਦਾ ਹੈ।

ਹੁਣ, ਇਹ ਖੋਜ ਪੂਰੀ ਨਿਗਰਾਨੀ ਵਿੱਚ ਹੈ ਅਤੇ ਮਾਹਿਰ ਇਹ ਪਤਾ ਲਗਾਉਣ ਲਈ ਤਿਆਰ ਹਨ ਕਿ ਆਖ਼ਰ ਇਸ ਤਾਬੂਤ ਵਿੱਚ ਅਸਲ 'ਚ ਹੈ ਕੀ।

ਇਸ ਨੂੰ ਪਹਿਲੀ ਵਾਰ ਖੋਲਣਾ ਬੇਹੱਦ ਮੁਸ਼ਕਲ ਕੰਮ ਹੈ ਅਤੇ ਇਸ ਲਈ ਸੰਭਾਵਨਾ ਇਹ ਹੈ ਕਿ ਇਸ ਨੂੰ ਉਸੇ ਥਾਂ ਖੋਲ੍ਹਿਆ ਜਾਵੇ, ਜਿੱਥੇ ਇਹ ਮਿਲਿਆ ਹੈ।

ਇਹ ਵੀ ਪੜ੍ਹੋ:

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)