ਰੈਫਰੈਂਡਮ 2020: 'ਕੀ ਪਾਕਿਸਤਾਨ ਤੋਂ ਵੀ ਪੰਜਾਬ ਦਾ ਹਿੱਸਾ ਵਾਪਸ ਲਿਆ ਜਾਵੇਗਾ' - ਸੋਸ਼ਲ
ਤਸਵੀਰ ਸਰੋਤ, Chris J Ratcliffe/Getty Images
ਰੈਫਰੈਂਡਮ-2020 ਦੇ ਸੰਬੰਧ ਵਿੱਚ ਸਿੱਖਸ ਫਾਰ ਜਸਟਿਸ ਨੇ ਲੰਡਨ ਦੇ ਟ੍ਰੇਫਲਗਰ ਸੁਕੇਅਰ ਵਿੱਚ ਇਕੱਠ ਸੱਦਿਆ। ਇਸ ਬਾਰੇ ਸੋਸ਼ਲ ਮੀਡੀਆ ਤੇ ਲੋਕਾਂ ਨੇ ਕਈ ਤਰੀਕੇ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ।
ਕਈ ਲੋਕਾਂ ਨੇ ਖ਼ਾਲਿਸਤਾਨ ਜਿੰਦਾਬਾਦ ਅਤੇ ਰੈਫਰੈਂਡਮ-2020 ਦੇ ਨਾਅਰੇ ਸੋਸ਼ਲ ਮੀਡੀਆ 'ਤੇ ਲਿੱਖੇ। ਕਈਆਂ ਨੇ ਰੈਫਰੈਂਡਮ ਬਾਰੇ ਸਵਾਲ ਚੁੱਕੇ।
ਦਰਸ਼ਕ ਭਵਿੱਖੀ ਖ਼ਾਲਿਸਤਾਨ ਦੇ ਜੁਗਰਾਫੀਏ ਬਾਰੇ ਸਵਾਲ ਕਰਦਿਆਂ ਕਿਹਾ, ਕੀ ਪਾਕਿਸਤਾਨ ਤੋਂ ਵੀ ਪੰਜਾਬ ਦਾ ਹਿੱਸਾ ਵਾਪਸ ਲਿਆ ਜਾਵੇਗਾ, ਇਸ ਦੀ ਰਾਜਧਾਨੀ ਕਿਹੜਾ ਸ਼ਹਿਰ ਹੋਵੇਗਾ।
ਤਸਵੀਰ ਸਰੋਤ, FaceBook
ਕੁਝ ਲੋਕ 2020 ਨੂੰ ਕਸ਼ਮੀਰ ਅਤੇ ਖ਼ਾਲਿਸਤਾਨ ਦੇ ਭਾਰਤ ਤੋਂ ਵੱਖ ਹੋਣ ਦੀ ਡੈਡ ਲਾਈਨ ਵਜੋਂ ਲਿਖ ਰਹੇ ਸਨ।
ਤਸਵੀਰ ਸਰੋਤ, FaceBook
ਸਿੱਖਸ ਫਾਰ ਜਸਟਿਸ ਦੇ ਮੋਢੀ ਪੰਨੂ ਬਾਰੇ ਵੀ ਲੋਕਾਂ ਨੇ ਕਈ ਟਿੱਪਣੀਆ ਕੀਤੀਆਂ ਅਤੇ ਉਨ੍ਹਾਂ ਦੇ ਪੱਖ ਅਤੇ ਵਿਰੋਧ ਵਿੱਚ ਲਿਖਿਆ।
ਸਿੰਘ ਸਾਹਬ ਟਵਿੱਟਰ ਹੈਂਡਲ ਨੇ ਲਿਖਿਆ ਕਿ ਭਾਰਤ ਵਿੱਚ ਬੈਠ ਕੇ ਅੱਤਵਾਦ ਜਿੰਦਾਬਾਦ ਕਰਨ ਵਾਲੇ ਤਿਆਰ ਰਹਿਣ ਕਿਉਂਕਿ ਭਾਰਤ ਦੀ ਖੂਫੀਆ ਏਜੰਸੀ ਸਭ ਕੁੱਝ ਦੇਖ ਰਹੀ ਹੈ।
ਤਸਵੀਰ ਸਰੋਤ, FaceBook
ਪੰਕਜ ਖਡੋਤਰਾ ਨੇ ਪੰਨੂੰ ਨੂੰ ਪਹਿਲਾਂ ਆਪ ਖਾਲਸਾ ਬਣਨ ਦੀ ਸਲਾਹ ਦਿੱਤੀ।
ਤਸਵੀਰ ਸਰੋਤ, FaceBook
ਲੋਕ ਯੂਐਨ ਦਾ ਸੰਬੰਧਿਤ ਆਰਟੀਕਲ ਵੀ ਪੁੱਛ ਰਹੇ ਸਨ, ਜਿਨ੍ਹਾਂ ਵਿੱਚੋਂ ਹੀ ਇੱਕ ਸਨ ਗੁਰਕੀਰਤ ਸਿੰਘ।
ਤਸਵੀਰ ਸਰੋਤ, FaceBook
ਨਿਰਪਿੰਦਰ ਸਿੰਘ ਨੇ ਲਿਖਿਆ ਕਿ ਖ਼ਾਲਿਸਤਾਨ ਬਣਾਉ ਮਗਰੋਂ ਭਾਰਤ ਤੋਂ ਵੱਖ ਹੋਣ ਦੀ ਚਾਹ ਰੱਖਣ ਵਾਲੇ ਦੂਸਰੇ ਸੂਬਿਆਂ ਦੀ ਵੀ ਮਦਦ ਕੀਤੀ ਜਾਵੇਗੀ।
ਤਸਵੀਰ ਸਰੋਤ, FaceBook
ਕੁਲਦੀਪ ਢਿੱਲੋਂ ਨੇ ਕਿਹਾ ਕਿ ਤੁਸੀਂ ਯੂਕੇ ਵਿੱਚ ਬੈਠ ਕੇ ਕੁਝ ਵੀ ਮੰਗ ਸਕਦੇ ਹੋ। ਆਪਣੇ ਬੱਚਿਆਂ ਨਾਲ ਪੰਜਾਬ ਆਓ ਅਤੇ ਅਜਿਹੀ ਮੰਗ ਕਰਕੇ ਦਿਖਾਓ। ਤੁਸੀਂ ਉੱਥੇ ਸੁਰੱਖਿਅਤ ਹੋ ਪਰ ਤੁਹਾਡੇ ਦੱਸੇ ਰਾਹ ਉੱਪਰ ਤੁਰ ਕੇ ਸਾਡੇ ਬੱਚਿਆਂ ਨੂੰ ਦੁੱਖ ਭੁਗਤਣਾ ਪੈਂਦਾ ਹੈ।
ਤਸਵੀਰ ਸਰੋਤ, FaceBook
ਸੁਖਵਿੰਦਰ ਸਿੰਘ ਨੇ ਲਿਖਿਆ- ਖਾਲਸਾ ਜਿੰਦਾਬਾਦ 2020 ਜ਼ਿੰਦਾਬਾਦ ਪਾਕਿਸਤਾਨ ਜ਼ਿੰਦਾਬਾਦ ਵਾਹਿਗੁਰੂ ਜੀ ਕਾ ਖਾਲਸਾ।
ਤਸਵੀਰ ਸਰੋਤ, FaceBook
ਬਾਲੀ ਕੁਲਾਰ ਨੇ ਲਿਖਿਆ- ਭਾਰਤ ਦੀ ਆਜ਼ਾਦੀ ਦੀ ਪਹਿਲੀ ਗਦਰ ਲਹਿਰ ਵੀ ਸਿੱਖਸ ਫਾਰ ਜਸਟਿਸ ਵਾਂਗ ਵਿਦੇਸ਼ੀ ਧਰਤੀ ਤੋਂ ਹੀ ਸ਼ੁਰੂ ਹੋਈ ਸੀ। ਹਰਪ੍ਰੀਤ ਕੌਰ ਨੇ ਕਿਹਾ- ਇਹ ਠੀਕ ਹੈ ਤਾਂ ਤੁਸੀਂ ਯੂਕੇ ਵਿੱਚ ਖ਼ਾਲਿਸਤਾਨ ਬਣਾ ਰਹੇ ਹੋ।
ਤਸਵੀਰ ਸਰੋਤ, FaceBook
ਇਹ ਵੀ ਪੜ੍ਹੋ꞉
