ਏਅਰ ਇੰਡੀਆ ਦਾ ਜਹਾਜ਼ ਸੁਰੱਖਿਆ ਕਾਰਨਾਂ ਕਰਕੇ ਲੰਡਨ ਵਿੱਚ ਉਤਾਰਿਆ

ਏਅਰ ਇੰਡੀਆ Image copyright Airbus press

ਮੁੰਬਈ ਤੋਂ ਅਮਰੀਕਾ ਦੇ ਨੇਵਾਰਕ ਸ਼ਹਿਰ ਜਾ ਰਿਹਾ ਏਅਰ ਇੰਡੀਆ ਦਾ ਇੱਕ ਯਾਤਰੀ ਜਹਾਜ਼ ਸੁਰੱਖਿਆ ਕਾਰਨਾਂ ਕਰਕੇ ਲੰਡਨ ਦੇ ਸਟੈਂਸਟੈਡ ਏਅਰਪੋਰਟ 'ਤੇ ਉਤਾਰ ਲਿਆ ਗਿਆ ਹੈ।

ਬ੍ਰਿਟੇਨ ਸਰਕਾਰ ਦੇ ਬਿਆਨ ਮੁਤਾਬਕ ਲੈਂਡਿੰਗ ਤੱਕ ਇਸ ਜਹਾਜ਼ ਨਾਲ ਬ੍ਰਿਟੇਨ ਦੀ ਰੋਇਲ ਏਅਰ ਫੋਸ ਦੇ ਟਾਇਫੂਨ ਲੜਾਕੂ ਜਹਾਜ਼ ਰਹੇ।

ਯਾਤਰੀਆਂ ਬਾਰੇ ਅਜੇ ਜਾਣਕਾਰੀ ਨਹੀਂ ਹੈ ਪਰ ਏਅਰਪੋਰਟ ਅਧਿਕਾਰੀਆਂ ਦੇ ਅਧਿਕਾਰਤ ਬਿਆਨ ਮੁਤਾਬਕ ਜਹਾਜ਼ ਨੂੰ ਸਥਾਨਕ ਸਮੇਂ ਮੁਤਾਬਕ ਸਵੇਰੇ 10.15 ਵਜੇ (ਭਾਰਤੀ ਸਮੇਂ ਮੁਤਾਬਕ ਦੁਪਹਿਰੇ 3.45) ਉਤਾਰਿਆ ਗਿਆ।

Image copyright Empics
ਫੋਟੋ ਕੈਪਸ਼ਨ ਬਰਤਾਨਵੀ ਹਵਾਈ ਫੌਜ ਦੇ ਜਹਾਜ਼ ਏਅਰ ਇੰਡੀਆ ਦੇ ਜਹਾਜ਼ ਨਾਲ ਉਤਰੇ

ਇਹ ਏਅਰਪੋਰਟ 'ਤੇ ਇੱਕ ਸ਼ਾਂਤ ਥਾਂ 'ਤੇ ਖੜ੍ਹਾ ਹੈ ਅਤੇ ਇਸ ਨਾਲ ਏਅਰਪੋਰਟ ਦੇ ਮੁੱਖ ਟਰਮੀਨਲ ਉੱਤੇ ਕੋਈ ਅਸਰ ਨਹੀਂ ਪਿਆ ਹੈ।

ਬੀਬੀਸੀ ਪੱਤਰਕਾਰ ਸੁਰੰਜਨਾ ਤਿਵਾਰੀ ਨਾਲ ਗੱਲਬਾਤ ਵਿੱਚ ਲੰਡਨ ਵਿੱਚ ਏਅਰ ਇੰਡੀਆ ਦੇ ਜਨਤਕ ਸੂਚਨਾ ਅਧਿਕਾਰੀ ਦੇਬਾਸ਼ੀਸ਼ ਗੋਲਡਰ ਨੇ ਪੁਸ਼ਟੀ ਕੀਤੀ ਕਿ ਸੁਰੱਖਿਆ ਕਾਰਨਾਂ ਕਰਕੇ ਜਹਾਜ਼ ਉਤਾਰਿਆ ਗਿਆ ਹੈ।

Image copyright PA Media

ਏਅਰ ਇੰਡੀਆ ਨੇ ਪਹਿਲਾਂ ਟਵੀਟ ਕੀਤਾ ਸੀ ਕਿ ਬੰਬ ਦੀ ਖ਼ਬਰ ਮਿਲਣ ਕਰਕੇ ਜਹਾਜ਼ ਉਤਾਰਿਆ ਗਿਆ ਹੈ ਪਰ ਬਾਅਦ ਵਿੱਚ ਉਨ੍ਹਾਂ ਨੇ ਟਵੀਟ ਡਿਲੀਟ ਕਰ ਦਿੱਤਾ ਸੀ।

ਇਹ ਵੀ ਪੜ੍ਹੋ:

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)