Japan Hagibis Typhoon: ਜਾਪਾਨ 'ਚ ਖ਼ਤਰਨਾਕ ਤੂਫ਼ਾਨ ਅਤੇ ਮੀਂਹ ਨੇ ਬੁਲੇਟ ਟਰੇਨਾਂ ਡੋਬੀਆਂ, ਫੌਜ ਸੱਦੀ ਗਈ

ਜਾਪਾਨ Image copyright Reuters
ਫੋਟੋ ਕੈਪਸ਼ਨ ਕੇਂਦਰੀ ਜਪਾਨ ਦੇ ਨਗਾਨੋ ਵਿੱਚ ਪਾਣੀ ਵਿੱਚ ਡੁੱਬੀਆਂ ਬੁਲੇਟ ਟਰੇਨ

ਜਪਾਨ ਵਿਚ ਆਏ 60 ਸਾਲਾਂ ਦੇ ਸਭ ਤੋਂ ਭਿਆਨਕ ਤੂਫ਼ਾਨ ਵਿਚ ਮੌਤਾਂ ਦੀ ਗਿਣਤੀ ਦਾ ਅੰਕੜਾ 23 ਹੋ ਗਿਆ ਹੈ, ਅਜੇ ਵੀ ਕਈ ਵਿਅਕਤੀਆਂ ਦੇ ਲਾਪਤਾ ਹੋਣ ਦੀਆਂ ਰਿਪੋਰਟਾਂ ਹਨ। ਰਾਹਤ ਕਾਰਜਾਂ ਲਈ ਮੁਲਕ ਭਰ ਵਿਚ ਹਜ਼ਾਰਾਂ ਫੌਜੀਆਂ ਨੂੰ ਤਾਇਨਾਤ ਕਰ ਦਿੱਤਾ ਗਿਆ ਹੈ।

ਚੱਕਰਵਾਤੀ ਤੂਫ਼ਾਨ ਹੈਗਿਬਿਸ ਟੋਕੀਓ ਦੇ ਦੱਖਣੀ ਹਿੱਸੇ ਵਿਚ ਸ਼ਨੀਵਾਰ ਨੂੰ ਟਕਰਾਇਆ ਤੇ ਫਿਰ ਉੱਤਰੀ ਖਿੱਤੇ ਵਲ ਵਧਿਆ, ਜੋ ਭਾਰੀ ਹੜ੍ਹ ਦਾ ਕਾਰਨ ਬਣਿਆ।

ਸਰਕਾਰੀ ਰੇਡੀਓ ਐਨਐਚਕੇ ਮੁਤਾਬਕ ਤੂਫਾਨ ਤੋਂ ਬਾਅਦ ਅਜੇ ਵੀ 17 ਜਣੇ ਲਾਪਤਾ ਹਨ।

ਹੜ ਦਾ ਪਾਣੀ ਇੰਨਾ ਜ਼ਿਆਦਾ ਹੈ ਕਿ ਜਪਾਨ ਦੀਆਂ ਪ੍ਰਸਿੱਧ ਬੁਲੇਟ ਟਰੇਨਜ਼ ਪਾਣੀ ਵਿਚ ਡੁੱਬੀਆਂ ਦਿਖਾਈ ਦਿੱਤੀਆਂ ਅਤੇ ਘਰਾਂ ਦੀਆਂ ਛੱਤਾਂ ਉੱਤੇ ਬੈਠੇ ਲੋਕਾਂ ਨੂੰ ਹੈਲੀਕਾਪਟਰਾਂ ਦੀ ਮਦਦ ਨਾਲ ਸੁਰੱਖਿਅਤ ਥਾਵਾਂ ਉੱਤੇ ਲਿਜਾਇਆ ਜਾ ਰਿਹਾ ਹੈ।

ਸਰਕਾਰੀ ਸੂਤਰਾਂ ਮੁਤਾਬਕ ਰਾਹਤ ਕਾਰਜਾਂ ਲਈ 27000 ਫੌਜੀ ਤੇ ਰਾਹਤ ਕਰਮੀ ਲੱਗੇ ਹੋਏ ਹਨ।

ਜਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜੋ ਆਬੇ ਨੇ ਕਿਹਾ ਹੈ ਕਿ ਸਰਕਾਰ ਰਾਹਤ ਕਾਰਜਾਂ ਵਿਚ ਹਰ ਸੰਭਵ ਯਤਨ ਕਰ ਰਹੀ ਹੈ ਅਤੇ ਜੇਕਰ ਲੋੜ ਪਈ ਤਾਂ ਹੋਰ ਫੌਜ ਬੁਲਾਈ ਜਾਵੇਗੀ।

ਐਤਵਾਰ ਨੂੰ ਤੂਫ਼ਾਨ ਮੱਠਾ ਪੈ ਗਿਆ ਹੈ ਅਤੇ ਹੜ੍ਹ ਦਾ ਪਾਣੀ ਕੁਝ ਘਟਿਆ ਹੈ

Image copyright Reuters
ਫੋਟੋ ਕੈਪਸ਼ਨ ਵਧ ਰਹੇ ਪਾਣੀ ਦੇ ਪੱਧਰ ਕਾਰਨ ਲੋਕ ਘਰਾਂ ਅੰਦਰ ਫਸ ਗਏ ਹਨ
Image copyright Reuters
Image copyright Reuters
ਫੋਟੋ ਕੈਪਸ਼ਨ ਤਕਰੀਬਨ 27,000 ਫੌਜੀ ਬਚਾਅ ਕਾਰਜ ਲਈ ਲਗਾਏ ਗਏ ਹਨ

ਫਿਲਹਾਲ ਇਹ ਤੂਫ਼ਾਨ 225 ਕਿਲਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਦੇਸ ਦੇ ਪੂਰਬੀ ਤਟ ਵੱਲ ਵਧ ਰਿਹਾ ਹੈ।

Image copyright Reuters
Image copyright EPA

ਜਾਪਨੀ ਆਊਟਲੈਟ ਐੱਨਐੱਚਕੇ ਦੀ ਰਿਪੋਰਟ ਮੁਤਾਬਕ 4,00,000 ਘਰਾਂ ਦੀ ਬਿਜਲੀ ਠੱਪ ਹੋ ਗਈ ਹੈ।

Image copyright Getty Images

ਟਰੇਨ ਸੇਵਾਵਾਂ ਠੱਪ ਹਨ, ਇੱਕ ਹਜ਼ਾਰ ਤੋਂ ਵੱਧ ਜਹਾਜ਼ ਹਵਾਈ ਅੱਡਿਆਂ 'ਤੇ ਖੜ੍ਹੇ ਹਨ। ਹਜ਼ਾਰਾਂ ਘਰ ਬਿਜਲੀ ਨਾ ਹੋਣ ਕਰਕੇ ਹਨੇਰਿਆਂ 'ਚ ਡੁੱਬੇ ਹੋਏ ਹਨ।

Image copyright Getty Images

ਗੰਭੀਰ ਹਾਲਾਤ ਦੇ ਮੱਦੇਨਜ਼ਰ 70 ਲੱਖ ਤੋਂ ਵੱਧ ਲੋਕਾਂ ਨੂੰ ਆਪਣੇ ਘਰ ਛੱਡ ਕੇ ਸੁਰੱਖਿਅਤ ਥਾਵਾਂ ਦੀ ਤੇ ਜਾਣ ਲਈ ਕਿਹਾ ਗਿਆ ਹੈ ਪਰ ਸਿਰਫ਼ 50 ਹਜ਼ਾਰ ਲੋਕਾਂ ਨੇ ਆਪਣਾ ਘਰ ਛੱਡਣਾ ਮੁਨਾਸਿਬ ਸਮਝਿਆ।

Image copyright AFP

ਮੌਸਮ ਵਿਭਾਗ ਨੇ ਚਿਤਾਵਨੀ ਦਿੱਤੀ ਹੈ ਕਿ ਰਾਜਧਾਨੀ ਟੋਕਿਓ ਵਿੱਚ ਸ਼ਨਿੱਚਰਵਾਰ ਤੇ ਐਤਵਾਰ ਦੋ ਦਿਨਾਂ ਦੌਰਾਨ ਅੱਧਾ ਮੀਟਰ ਤੱਕ ਮੀਂਹ ਪੈ ਸਕਦਾ ਹੈ

Image copyright EPA

ਸ਼ਹਿਰ ਵਿੱਚ ਐਤਵਾਰ ਹੋਣ ਵਾਲੇ ਦੋ ਵਿਸ਼ਵ ਕੱਪ ਰਗਬੀ ਦੇ ਮੁਕਾਬਲੇ (ਇੰਗਲੈਂਡ ਬਨਾਮ ਫਰਾਂਸ ਅਤੇ ਨਿਊਜ਼ੀਲੈਂਡ ਬਨਾਮ ਇਟਲੀ) ਰੱਦ ਕੀਤੇ ਗਏ ਹਨ।

ਇਹ ਵੀ ਪੜ੍ਹੋ-

ਤੁਸੀਂ ਇਹ ਵੀਡੀਓ ਵੀ ਦੇਖ ਸਕਦੇ ਹੋ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ