Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

ਲਾਈਵ ਰਿਪੋਰਟਿੰਗ

ਸਾਰੇ ਦੱਸੇ ਗਏ ਸਮੇਂ ਯੂ.ਕੇ. ਦੇ ਹਨ

  1. Video content

    Video caption: ਕੋਰੋਨਾਵਾਇਰਸ: ਰਣਬੀਰ ਰਾਣਾ ਦੇ ਲੌਕਡਾਊਨ ਵਿੱਚ ਦਿਨ ਕਿਵੇਂ ਲੰਘ ਰਹੇ ਹਨ

    ਪੰਜਾਬੀ ਦੇ ਉੱਘੇ ਕਮੇਡੀਅਨ ਰਾਣਾ ਰਣਬੀਰ ਇਨ੍ਹੀਂ ਦਿਨੀਂ ਕੈਨੇਡਾ ਵਿੱਚ ਰਹਿ ਰਹੇ ਹਨ।

  2. ਨਰਿੰਦਰ ਮੋਦੀ

    ਲੌਕਡਾਊਨ ਕਦੋਂ ਖ਼ਤਮ ਹੋਵੇਗਾ, ਦਿੱਲੀ ਤੇ UP ਦੇ ਕਈ ਇਲਾਕੇ ਕਿਉਂ ਕੀਤੇ ਗਏ ਸੀਲ — ਇਨ੍ਹਾਂ ਸਣੇ ਜਾਣੋ ਹੁਣ ਤੱਕ ਦੀਆਂ ਅਹਿਮ 5 ਖ਼ਬਰਾਂ

    ਹੋਰ ਪੜ੍ਹੋ
    next
  3. ਕੌਮਾਂਤਰੀ ਅਪਡੇਟ- ਅਮਰੀਕਾ ਵਿੱਚ ਸਭ ਤੋਂ ਵੱਧ ਕੋਰੋਨਾਵਾਇਰਸ ਦੇ ਮਾਮਲੇ

    ਅੱਜ ਦੇ ਲਈ ਅਸੀਂ ਆਪਣਾ ਲਾਈਵ ਪੇਜ ਇੱਥੇ ਹੀ ਸਮਾਪਤ ਕਰ ਰਹੇ ਹਾਂ, ਕੱਲ੍ਹ ਅਸੀਂ ਹੋਰ ਅਪਡੇਟ ਨਾਲ ਤੁਹਾਡੇ ਰੂਬਰੂ ਹੋਵਾਂਗੇ, ਪੇਸ਼ ਹੈ ਹੁਣ ਤੱਕ ਦੇ ਕੋਰੋਨਾਵਾਇਰਸ ਨਾਲ ਜੁੜੇ ਕੌਮਾਂਤਰੀ ਅਪਡੇਟ:

    • ਅਮਰੀਕਾ ਦੀ ਜੌਹਨ ਹੌਪਕਿਨਸ ਯੂਨੀਵਰਸਿਟੀ ਮੁਤਾਬਕ ਦੁਨੀਆਂ ਭਰ ਵਿੱਚ ਕੋਰੋਨਾਵਾਇਰਸ ਦੇ ਪੌਜਿਟਿਵ ਮਾਮਲਿਆਂ ਦੀ ਗਿਣਤੀ 15 ਲੱਖ ਹੋ ਗਈ ਹੈ।
    • ਦੁਨੀਆਂ ਭਰ ਵਿੱਚ ਹੁਣ ਤੱਕ 90,000 ਲੋਕਾਂ ਦਾ ਮੌਤ ਹੋ ਚੁੱਕੀ ਹੈ ਅਤੇ 3,37,000 ਲੋਕ ਠੀਕ ਹੋ ਚੁੱਕੇ ਹਨ।
    • ਅਮਰੀਕਾ ਵਿੱਚ ਕੋਰੋਨਾਵਾਇਰਸ ਦੇ ਸਭ ਤੋਂ ਵੱਧ ਪੌਜਿਟਿਵ ਮਾਮਲੇ ਹਨ ਜਿੱਥੇ 432,000 ਲੋਕਾਂ ਨੂੰ ਇਨਫੈਕਸ਼ਨ ਹੈ।
    • ਇਸ ਤੋਂ ਬਾਅਦ ਅਮਰੀਕਾ, ਇਟਲੀ ਅਤੇ ਜਰਮਨੀ ਦਾ ਨੰਬਰ ਆਉਂਦਾ ਹੈ।
    • ਸਭ ਤੋਂ ਵੱਧ ਲੋਕ ਇਟਲੀ ਵਿੱਚ ਮਾਰੇ ਗਏ ਹਨ ਜਿੱਥੇ 17,000 ਤੋਂ ਵੱਧ ਲੋਕ ਕੋਰੋਨਾਵਾਇਰਸ ਕਾਰਨ ਜਾਨ ਗੁਆ ਚੁੱਕੇ ਹਨ।
    • ਸਪੇਨ ਵਿੱਚ 15000 ਤੋਂ ਵੱਧ ਅਤੇ ਫਰਾਂਸ ਵਿੱਚ ਤਕਰੀਬਨ 10,000 ਲੋਕਾਂ ਦੀ ਮੌਤ ਹੋਈ ਹੈ।
    • ਯੂਕੇ ਵਿੱਚ 700 ਤੋਂ ਵੱਧ ਲੋਕਾਂ ਦੀ ਮੌਤ ਹੋਈ ਹੈ।
    corona
    Image caption: ਸੰਕੇਤਕ ਤਸਵੀਰ
  4. 'ਸਾਨੂੰ ਕੋਰੋਨਾਵਾਇਰਸ ਨੂੰ ਲੋਕਾਂ ਨੂੰ ਮਾਰਨ ਦਾ ਹੋਰ ਮੌਕਾ ਨਹੀਂ ਦੇਣਾ ਚਾਹੀਦਾ'

    ਯੂਕੇ ਦੇ ਵਿਦੇਸ਼ ਮੰਤਰੀ ਡੋਮਿਨਿਕ ਰਾਬ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਬੋਰਿਸ ਜੋਨਸਨ ਹਾਲੇ ਵੀ ਆਈਸੀਯੂ ਵਿੱਚ ਹਨ ਪਰ ਹਾਲਤ ਸਥਿਰ ਹੈ।

    ਨਾਲ ਹੀ ਇਹ ਵੀ ਕਿਹਾ ਕਿ ਲੌਕਡਾਊਨ ਹਟਾਉਣ ਬਾਰੇ ਕੁਝ ਵੀ ਕਹਿਣਾ ਬਹੁਤ ਜਲਦੀ ਹੋਵੇਗਾ। 'ਇਹ ਪਾਬੰਦੀਆਂ ਉਦੋਂ ਤੱਕ ਰਹਿਣਗੀਆਂ ਜਦੋਂ ਤੱਕ ਸਪਸ਼ਟ ਨਹੀਂ ਹੋ ਜਾਂਦਾ ਕਿ ਮਾਮਲੇ ਘਟੇ ਹਨ।'

    "ਸਾਨੂੰ ਕੋਰੋਨਾਵਾਇਰਸ ਨੂੰ ਲੋਕਾਂ ਨੂੰ ਮਾਰਨ ਦਾ ਹੋਰ ਮੌਕਾ ਨਹੀਂ ਦੇਣਾ ਚਾਹੀਦਾ।"

    raab
    Image caption: ਯੂਕੇ ਦੇ ਵਿਦੇਸ਼ ਮੰਤਰੀ ਡੋਮੀਨਿਕ ਰਾਬ
  5. 'ਚੀਨ ਨੇ ਦੁਨੀਆਂ ਨੂੰ ਕੋਰੋਨਾਵਾਇਰਸ ਬਾਰੇ ਪਾਰਦਰਸ਼ਤਾ ਤੇ ਜਿੰਮੇਵਾਰੀ ਨਿਭਾਈ ਹੈ'

    ਚੀਨ ਦੀ ਸਰਕਾਰ ਨੇ ਇਲਜਾਮਾਂ ਨੂੰ ਖਾਰਿਜ ਕੀਤਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਨੇ ਕੋਰੋਨਾਵਾਇਰਸ ਮਹਾਂਮਾਰੀ ਬਾਰੇ ਦੁਨੀਆਂ ਤੋਂ ਲੁਕੋਇਆ।

    ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਜਾਓ ਲਿਜੀਆਨ ਨੇ ਕਿਹਾ, “ਚੀਨ ਨੇ ਦੁਨੀਆਂ ਨੂੰ ਮਹਾਂਮਾਰੀ ਬਾਰੇ ਦੱਸਣ ਵਿੱਚ ਪਾਰਦਰਸ਼ੀ ਤੇ ਜਿੰਮੇਵਾਰੀ ਨਿਭਾਈ ਹੈ।”

    “ਸਾਨੂੰ ਵੀ ਇਸ ਵਾਇਰਸ ਬਾਰੇ ਪਤਾ ਲੱਗਣ ਵਿੱਚ ਕੁਝ ਸਮਾਂ ਲੱਗਿਆ ਜੋ ਕਿ ਵੁਹਾਨ ਵਿੱਚ ਪਿਛਲੇ ਸਾਲ ਸ਼ੁਰੂ ਹੋਇਆ।”

    corona
    Image caption: ਅਮਰੀਕੀ ਰਾਸ਼ਟਰਪਤੀ ਮਾਈਕ ਪੋਂਪੀਓ ਨੇ ਇਲਜ਼ਾਮ ਲਾਇਆ ਸੀ ਕਿ ਚੀਨ ਨੇ ਕੋਰੋਨਾਵਾਇਰਸ ਬਾਰੇ ਸਹੀ ਜਾਣਕਾਰੀ ਨਹੀਂ ਦਿੱਤੀ
  6. ਕੋਰੋਨਾਵਾਇਰਸ ਦੀ ਉਤਪਤੀ ਕਿੱਥੇ ਹੋਈ? ਜਾਣੋ 13 ਮੁੱਖ ਸਵਾਲਾਂ ਦੇ ਜਵਾਬ

    ਕੋਵਿਡ-19 ਤੋਂ ਪੀੜਤ ਵਿਅਕਤੀ ਵੱਲੋਂ ਕੀਤੀ ਖਾਂਸੀ ਜਾਂ ਛਿੱਕ ਰਾਹੀਂ ਨਿਕਲਣ ਵਾਲੀਆਂ ਥੁੱਕ ਦੀਆਂ ਬੂੰਦਾਂ ਨਾਲ ਇਹ ਵਾਇਰਸ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਤੱਕ ਫੈਲ ਸਕਦਾ ਹੈ।

    ਮੰਨਿਆ ਜਾ ਰਿਹਾ ਹੈ ਕਿ ਸਾਰਸ-ਸੀਓਵੀ-2 ਵਾਇਰਸ ਦੀ ਉਤਪਤੀ ਜੰਗਲੀ ਜੀਵਾਂ ਵਿੱਚ ਹੋਈ ਅਤੇ ਪਿਛਲੇ ਦਸੰਬਰ ਵਿੱਚ ਵੂਹਾਨ, ਚੀਨ ਦੇ ਜੀਵਤ ਪਸ਼ੂਆਂ ਦੇ ਬਾਜ਼ਾਰ ਤੋਂ ਇਸਦੀ ਲਾਗ ਮਨੁੱਖ ਨੂੰ ਲੱਗੀ।

    ਹੋਰ ਜਾਣਕਾਰੀ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।

    ਕੋਰੋਨਾਵਾਇਰਸ
    Image caption: ਕੋਰੋਨਾਵਾਇਰਸ ਤੋਂ ਬਚਣ ਲਈ ਬੇਲੋੜਾ ਬਾਹਰ ਨਾ ਨਿਕਲੋ
  7. ਸਾਡਾ ਮਕਸਦ ਦੁਨੀਆਂ ਦੇ ਸਾਰੇ ਗਰੀਬਾਂ ਦੀ ਸੁਰੱਖਿਆ ਕਰਨਾ ਹੈ- WHO

    ਵਿਸ਼ਵ ਸਿਹਤ ਸੰਗਠਨ ਦੇ ਡਾਇਰੈਕਟਰ ਜਨਰਲ ਟੈਡਰੋਸ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਕਿ ਉਨ੍ਹਾਂ ਦਾ ਮੁੱਖ ਮਕਸਦ ਦੁਨੀਆਂ ਦੇ ਸਾਰੇ ਦੇਸਾਂ ਵਿੱਚ ਗਰੀਬ ਲੋਕਾਂ ਦੀ ਮਦਦ ਕਰਨਾ ਹੈ। ਇਸ ਦੇ ਕੋਰੋਨਾਵਾਇਰਸ ਨਾਲ ਲੜਨ ਲਈ ਉਨ੍ਹਾਂ ਮੁੱਖ ਖੇਤਰ ਦੱਸੇ।

    • ਤਿਆਰ ਕਰਨ ਅਤੇ ਜਵਾਬ ਦੇਣ ਲਈ ਦੇਸਾਂ ਦਾ ਸਮਰਥਨ ਕਰਨਾ
    • ਸਹੀ ਜਾਣਕਾਰੀ ਦੇਣਾ ਅਤੇ ਇਨਫੋਡੈਮਿਕ ਨਾਲ ਲੜਨਾ
    • ਹੈਲਥ ਵਰਕਰਾਂ ਲਈ ਮੈਡੀਕਲ ਉਪਕਰਣਾਂ ਦੀ ਸਪਲਾਈ ਨੂੰ ਯਕੀਨੀ ਬਣਾਉਣਾ
    • ਸਿਹਤ ਵਰਕਰਾਂ ਨੂੰ ਟਰੇਨਿੰਗ ਦੇਣਾ।
    • ਰਿਸਰਚ ਅਤੇ ਡਿਵਲਮੈਂਟ ਨੂੰ ਤੇਜ਼ੀ ਦੇਣਾ।
    View more on twitter
    View more on twitter
  8. ਮਹਾਰਾਸ਼ਟਰ ਵਿੱਚ ਇੱਕ ਦਿਨ ਵਿੱਚ 25 ਮੌਤਾਂ, ਕੋਰੋਨਾਵਾਇਰਸ ਦੇ 229 ਨਵੇਂ ਮਾਮਲੇ

    ਮਹਾਰਾਸ਼ਟਰ ਵਿੱਚ 229 ਲੋਕਾਂ ਦੇ ਕੋਰੋਨਾਵਾਇਰਸ ਪੌਜ਼ਿਟਿਵ ਹੋਣ ਦੇ ਨਾਲ ਸੂਬੇ ਵਿੱਚ ਕੁੱਲ 1364 ਮਾਮਲੇ ਹੋ ਗਏ ਹਨ।

    ਪੀਟੀਆਈ ਅਨੁਸਾਰ ਇੱਕ ਦਿਨ ਵਿੱਚ 25 ਮੌਤਾਂ ਹੋਈਆਂ ਹਨ। ਮਹਾਰਾਸ਼ਟਰ ਵਿੱਚ ਮੌਤਾਂ ਦੀ ਗਿਣਤੀ 97 ਹੋ ਗਈ ਹੈ।

    ਸਿਹਤ ਵਿਭਾਗ ਮੁਤਾਬਕ, "ਕੋਰੋਨਾਵਾਇਰਸ ਦੇ ਨਵੇਂ ਕੇਸ ਅਤੇ ਮੌਤਾਂ ਦੋਵੇਂ ਹੀ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਹਨ।"

    ਇਸ ਦੇ ਨਾਲ ਹੀ ਮਹਾਰਾਸ਼ਟਰ ਵਿੱਚ 125 ਲੋਕ ਠੀਕ ਹੋ ਗਏ ਹਨ।

    ਕੋਰੋਨਾਵਾਇਰਸ
    Image caption: ਸੰਕੇਤਕ ਤਸਵੀਰ
  9. ਹਰਿਆਣਾ ਵਿੱਚ ਪੁਲਿਸ ਅਧਿਕਾਰੀਆਂ ਨੂੰ 30 ਲੱਖ ਦਾ ਸੁਰੱਖਿਆ ਕਵਰ

    ਖ਼ਬਰ ਏਜੰਸੀ ਏਐੱਨਆਈ ਮੁਤਾਬਕ ਹਰਿਆਣਾ ਸਰਕਾਰ ਨੇ ਕੋਰੋਨਾਵਾਇਰਸ ਖਿਲਾਫ਼ ਜੰਗ ਲੜਨ ਲਈ ਤਾਇਨਾਤ ਕਿਸੇ ਵੀ ਪੁਲਿਸ ਅਧਿਕਾਰੀ ਦੀ ਮੌਤ ’ਤੇ 30 ਲੱਖ ਰੁਪਏ ਦਾ ਸੁਰੱਖਿਆ ਕਵਰ ਦੇਣ ਦਾ ਐਲਾਨ ਕੀਤਾ ਹੈ।

    View more on twitter
  10. ਕੋਰੋਨਾਵਾਇਰਸ ਮਰੀਜ਼ ਦਾ ਸਸਕਾਰ ਨਾ ਕਰਨ ਦੇਣ 'ਤੇ 60 ਲੋਕਾਂ ਖਿਲਾਫ਼ ਮਾਮਲਾ ਦਰਜ

    ਬੀਬੀਸੀ ਪੰਜਾਬੀ ਲਈ ਪਾਲ ਸਿੰਘ ਨੌਲੀ ਦੀ ਰਿਪੋਰਟ: ਕੋਰੋਨਾਵਾਇਰਸ ਮਰੀਜ਼ ਦੀ ਜਲੰਧਰ ਵਿੱਚ ਮੌਤ ਹੋਣ ਤੋਂ ਬਾਅਦ ਜਦੋਂ ਸਸਕਾਰ ਲਈ ਹਰਨਾਮਦਾਸਪੁਰਾ ਸਮਸ਼ਾਨ ਘਾਟ ਪਹੁੰਚੇ ਤਾਂ ਲੋਕਾਂ ਨੇ ਢਾਈ ਘੰਟਿਆਂ ਤੱਕ ਅੜਿੱਕਾ ਪਾਇਆ।

    ਪੁਲਿਸ ਨੇ 60 ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ਼ ਕਰ ਲਿਆ ਹੈ।

    ਪੁਲਿਸ ਕਮਿਸ਼ਨਰ ਜਲੰਧਰ ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਦੱਸਿਆ, “ਦੋਸ਼ੀਆਂ ਦੀ ਪਛਾਣ ਕੀਤੀ ਜਾ ਰਹੀ ਹੈ ਅਤੇ ਦੋਸ਼ੀਆਂ ਖਿਲਾਫ਼ ਆਈਪੀਸੀ ਦੀਆਂ ਕਈ ਧਾਰਾਵਾਂ ਅਤੇ ਮਹਾਂਮਾਰੀ ਬਿਮਾਰੀ ਕਾਨੂੰਨ 1893 ਅਤੇ ਆਫ਼ਤ ਪ੍ਰਬੰਧਨ ਕਾਨੁੰਨ 1996 ਤਹਿਤ ਕਾਰਵਾਈ ਕੀਤੀ ਜਾ ਰਹੀ ਹੈ।”

    ਲੋਕਾਂ ਨੂੰ ਡਰ ਸੀ ਕਿ ਇੱਥੇ ਸਸਕਾਰ ਕਰਨ ਕਾਰਨ ਕੋਰੋਨਾਵਾਇਰਸ ਫੈਲ ਸਕਦਾ ਹੈ। ਅਖੀਰ ਪੁਲਿਸ ਦੀ ਮਦਦ ਨਾਲ ਉਸੇ ਸ਼ਮਸ਼ਾਨ ਘਾਟ ਵਿੱਚ ਸਸਕਾਰ ਕੀਤਾ ਗਿਆ।

    ਕੋਰੋਨਾਵਾਇਰਸ
    Image caption: ਸੰਕੇਤਕ ਤਸਵੀਰ
  11. ਯੂਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਦੀ ਸਿਹਤ ਵਿੱਚ ਸੁਧਾਰ ਜਾਰੀ

    ਯੂਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਦੇ ਬੁਲਾਰੇ ਨੇ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਨੇ ਲੰਡਨ ਦੇ ਸੈਂਟ ਥੌਮਸ ਹਸਪਤਾਲ ਵਿੱਚ ‘ਚੰਗੀ ਤਰ੍ਹਾਂ ਰਾਤ ਕੱਟੀ’ ਅਤੇ ਉਨ੍ਹਾਂ ਦੀ ‘ਹਾਲਤ ਵਿੱਚ ਸੁਧਾਰ ਜਾਰੀ’ ਹੈ।

    BORIS JOHNSON
    Image caption: ਯੂਕੇ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਕੋਰੋਨਾਵਾਇਰਸ ਦੇ ਪੌਜਿਟਵ ਹਨ ਤੇ ਜੇਰੇ ਇਲਾਜ ਹਨ
  12. ਖੁਸ਼ਹਾਲ ਲਾਲੀ

    ਬੀਬੀਸੀ ਪੱਤਰਕਾਰ

    ਕੋਰੋਨਾਵਾਇਰਸ

    ਰੋਜ਼ਾਨਾ ਜਾਰੀ ਹੁੰਦੇ ਅੰਕੜਿਆਂ ਵਿੱਚ ਕਈ ਵਾਰ ਸਰਕਾਰਾਂ ਵੱਲੋਂ ਤਬਲੀਗੀ ਜਮਾਤ ਨਾਲ ਸਬੰਧ ਰੱਖਦੇ ਪੀੜਤਾਂ ਬਾਰੇ ਵੱਖ ਤੋਂ ਜਾਣਕਾਰੀ ਦਿੱਤੀ ਜਾਂਦੀ ਹੈ।ਰੋਜ਼ਾਨਾ ਜਾਰੀ ਹੁੰਦੇ ਅੰਕੜਿਆਂ ਵਿੱਚ ਕਈ ਵਾਰ ਸਰਕਾਰਾਂ ਵੱਲੋਂ ਤਬਲੀਗੀ ਜਮਾਤ ਨਾਲ ਸਬੰਧ ਰੱਖਦੇ ਪੀੜਤਾਂ ਬਾਰੇ ਵੱਖ ਤੋਂ ਜਾਣਕਾਰੀ ਦਿੱਤੀ ਜਾਂਦੀ ਹੈ।

    ਹੋਰ ਪੜ੍ਹੋ
    next
  13. ਚੰਡੀਗੜ੍ਹ ਵਿੱਚ ਕੋਰੋਨਾਵਾਇਰਸ ਦੇ ਮਾਮਲਿਆਂ ਦੀ ਅਪਡੇਟ

    ਚੰਡੀਗੜ੍ਹ ਵਿੱਚ ਕੋਰੋਨਾਵਾਇਰਸ ਦੇ ਕੁੱਲ 18 ਮਾਮਲੇ ਪੌਜਿਟਿਵ ਪਾਏ ਗਏ ਹਨ। ਹੁਣ 7 ਕੋਰੋਨਾਵਾਇਰਸ ਦੇ ਮਰੀਜ਼ ਠੀਕ ਹੋਏ ਹਨ ਅਤੇ 12 ਲੋਕਾਂ ਦੇ ਨਤੀਜੇ ਆਉਣੇ ਬਾਕੀ ਹਨ।

    ਚੰਡੀਗੜ੍ਹ ਦੇ ਪੀਜੀਆਈ ਵਿੱਚ ਦਾਖਲ 55 ਸਾਲਾ ਕੋਰੋਨਾਵਾਇਰਸ ਮਰੀਜ਼ ਦੀ ਮੌਤ ਹੋ ਗਈ ਹੈ। ਪਰ ਇਹ ਪੰਜਾਬ ਦਾ ਰਹਿਣ ਵਾਲਾ ਸੀ।

    ਚੰਡੀਗੜ੍ਹ ਦੇ ਸਿਹਤ ਵਿਭਾਗ ਵੱਲੋਂ ਜਾਰੀ ਬਿਆਨ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਹਸਪਤਾਲਾਂ ਵਿੱਚ ਕੁੱਲ 2,838 ਪੀਪੀਈ, 31 ਵੈਂਟੀਲੇਟਰ ਤੇ 313 ਆਈਸੋਲੇਸ਼ਨ ਬੈੱਡ ਮੌਜੂਦ ਹਨ।

    ਕੋਰੋਨਾਵਾਇਰਸ
    Image caption: ਸੰਕੇਤਕ ਤਸਵੀਰ
  14. ਕੀ ਮਾਸਕ ਕੋਰੋਨਾਵਾਇਰਸ ਤੋਂ ਬਚਾਅ ਸਕਦੇ ਹਨ?

    Video content

    Video caption: ਕੋਰੋਨਾਵਾਇਰਸ: ਕੀ ਮਾਸਕ ਇਸ ਬਿਮਾਰੀ ਤੋਂ ਬਚਾ ਸਕਦੇ ਹਨ?
  15. ਅਮਰੀਕਾ ਵਿੱਚ 66 ਲੱਖ ਹੋਰ ਲੋਕਾਂ ਨੇ ਬੇਰੁਜ਼ਗਾਰੀ ਭੱਤੇ ਲਈ ਅਰਜੀ ਦਿੱਤੀ

    ਅਮਰੀਕਾ ਵਿੱਚ 66 ਲੱਖ ਲੋਕਾਂ ਨੇ ਪਿਛਲੇ ਹਫਤੇ ਬੇਰੁਜ਼ਗਾਰੀ ਭੱਤੇ ਲਈ ਅਰਜੀ ਦਿੱਤੀ ਸੀ। ਤਿੰਨ ਹਫ਼ਤਿਆਂ ਵਿੱਚ ਬੇਰੁਜ਼ਗਾਰੀ ਭੱਤੇ ਦੀ ਕੁੱਲ 1.6 ਕਰੋੜ ਤੋਂ ਵੱਧ ਲੋਕ ਮੰਗ ਕਰ ਚੁੱਕੇ ਹਨ।

    ਸਾਲ 2008 ਵਿੱਚ ਹੋਏ ਵਿੱਤੀ ਸੰਕਟ ਦੌਰਾਨ ਕੁੱਲ 90 ਲੱਖ ਲੋਕਾਂ ਦੀ ਨੌਕਰੀ ਗਈ ਸੀ।

    ਅਮਰੀਕਾ
    Image caption: ਸੰਕੇਤਕ ਤਸਵੀਰ
  16. ਕੋਰੋਨਾਵਾਇਰਸ ਨਾਲ ਨਜਿੱਠਣ ਲਈ ਕੇਂਦਰ ਸਰਕਾਰ ਨੇ ਦਿੱਤੇ 15000 ਕਰੋੜ ਰੁਪਏ

    ਕੇਂਦਰ ਸਰਕਾਰ ਨੇ ਕੋਵਿਡ 19 ਬਿਮਾਰੀ ਦੇ ਫੈਲਣ ਤੋਂ ਰੋਕਣ ਲਈ ਸਿਹਤ ਪ੍ਰਣਾਲੀ ਅਤੇ ਐਮਰਜੈਂਸੀ ਸਹੂਲਤਾਂ ਨੂੰ ਮਜ਼ਬੂਤ ਕਰਨ ਲਈ 15,000 ਕਰੋੜ ਰੁਪਏ ਦਿੱਤੇ ਹਨ।

    ਫਾਰਮਾਸਿਊਟੀਕਲ ਵਿਭਾਗ ਨੇ ਆਪਣੇ ਅਧਿਕਾਰਤ ਟਵਿੱਟਰ ਅਕਾਊਂਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ।

    View more on twitter
  17. ਪੰਜਾਬ ਵਿੱਚ ਫ਼ਸਲਾਂ ਦੀ ਖ਼ਰੀਦ ਲਈ ਪਿੰਡ ਮੁਤਾਬਕ ਪਾਸ ਦਿੱਤੇ ਜਾਣਗੇ

    ਪੰਜਾਬ ਵਿੱਚ ਫ਼ਸਲਾਂ ਦੀ ਖਰੀਦ ਲਈ ਪੰਜਾਬ ਸਰਕਾਰ ਨੇ ਪ੍ਰਬੰਧ ਕੀਤੇ ਹਨ। ਜਿਸ ਦੀ ਜਾਣਕਾਰੀ ਮੁੱਖ ਮੰਤਰੀ ਕੈਟਪਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰਕੇ ਦਿੱਤੀ।

    ਇਸ ਲਈ ਪਿੰਡ ਮੁਤਾਬਕ ਪਾਸ ਦਿੱਤੇ ਜਾਣਗੇ।

    30 ਮੈਂਬਰੀ ਕੰਟਰੋਲ ਰੂਮ ਸਥਾਪਤ ਕੀਤਾ ਜਾਵੇਗਾ।

    ਸਮਾਜਿਕ ਦੂਰੀ ਲਈ ਪੁਲਿਸ ਤਾਇਨਾਤ ਕੀਤੀ ਜਾਵੇਗੀ।

    3800 ਖਰੀਦ ਸੈਂਟਰ ਬਣਾਏ ਜਾਣਗੇ।

    ਸਾਬਣ, ਮਾਸਕ ਅਤੇ ਸੈਨੇਟਾਈਜ਼ਰ ਉਲਬਧ ਕਰਵਾਏ ਜਾਣਗੇ।

    ਸਾਫ਼ ਅਤੇ ਸੁਰੱਖਿਅਤ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਹੋਵੇਗਾ।

    View more on twitter
  18. ਚੰਡੀਗੜ੍ਹ ਵਿੱਚ ਹਰੇਕ ਮੀਟਿੰਗ ਲਈ ਮਾਸਕ ਜ਼ਰੂਰੀ

    ਚੰਡੀਗੜ੍ਹ ਵਿੱਚ ਹਰੇਕ ਜਨਤਕ ਥਾਂ ਤੇ ਮਾਸਕ ਪਾਉਣਾ ਲਾਜ਼ਮੀ ਹੈ। ਇਹ ਮਾਸਕ ਘਰ ਦਾ ਬਣਿਆ ਹੋਇਆ ਵੀ ਹੋ ਸਕਦਾ ਹੈ ਜਾਂ ਫਿਰ ਕਿਸੇ ਵੀ ਕੈਮਿਸਟ ਦੀ ਦੁਕਾਨ ਤੋਂ ਖਰੀਦਿਆ ਜਾ ਸਕਦਾ ਹੈ।

    ਦਫ਼ਤਰ, ਹਸਪਤਾਲ, ਬਜ਼ਾਰ ਜਾਂ ਕਿਸੇ ਵੀ ਥਾਂ ਤੇ ਜਾਣ ਵੇਲੇ ਮਾਸਕ ਪਾਉਣਾ ਜ਼਼ਰੂਰੀ ਹੈ।

    ਕੋਈ ਵੀ ਵਿਅਕਤੀ ਮਾਸਕ ਪਾਏ ਬਿਨਾ ਕਿਸੇ ਵੀ ਮੀਟਿੰਗ ਵਿੱਚ ਸ਼ਾਮਿਲ ਨਹੀਂ ਹੋ ਸਕਦਾ।

    MASK
    Image caption: ਚੰਡੀਗੜ੍ਹ ਵਿੱਚ ਜਨਤਕ ਥਾਵਾਂ 'ਤੇ ਮਾਸਕ ਪਾਉਣਾ ਜ਼ਰੂਰੀ ਹੈ
  19. ਚੰਡੀਗੜ੍ਹ ਵਿੱਚ ਨਗਰ ਨਿਗਮ ਦੇ ਵਰਕਰ ਘਰਾਂ ਵਿੱਚੋਂ ਕੂੜਾ ਇਕੱਠਾ ਕਰ ਰਹੇ ਹਨ

    ਚੰਡੀਗੜ੍ਹ
    Image caption: ਚੰਡੀਗੜ੍ਹ ਵਿੱਚ ਨਗਰ ਨਿਗਮ ਦੇ ਵਰਕਰ ਘਰਾਂ ਵਿੱਚੋਂ ਕੂੜਾ ਇਕੱਠਾ ਕਰ ਰਹੇ ਹਨ
    ਚੰਡੀਗੜ੍ਹ
    Image caption: ਚੰਡੀਗੜ੍ਹ ਵਿੱਚ ਨਗਰ ਨਿਗਮ ਦਾ ਵਰਕਰ
  20. ਪੰਜਾਬ ਵਿੱਚ ਹੁਣ ਤੱਕ ਕੋਰੋਨਾਵਾਇਰਸ ਦੇ ਕਿੰਨੇ ਮਾਮਲੇ

    ਕੋਰੋਨਾਵਾਇਰਸ ਦੇ ਪੰਜਾਬ ਵਿੱਚ ਹੁਣ ਤੱਕ 130 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ ਅਤੇ ਕੁੱਲ 10 ਮੌਤਾਂ ਹੋ ਚੁੱਕੀਆਂ ਹਨ।

    9 ਅਪ੍ਰੈਲ ਨੂੰ 24 ਮਾਮਲੇ ਕੋਰੋਨਾਵਾਇਰਸ ਦੇ ਪੌਜਿਟਿਵ ਪਾਏ ਗਏ ਹਨ।

    ਇੰਨ੍ਹਾਂ ਵਿੱਚੋਂ 6 ਮਾਮਲੇ ਮਾਨਸਾ, 4 ਲੁਧਿਆਣਾ, 7 ਐੱਸਏਐੱਸ ਨਗਰ, 4 ਜਲੰਧਰ, ਇੱਕ-ਇੱਕ ਬਰਨਾਲਾ, ਸੰਗਰੂਰ ਤੇ ਮੁਕਤਸਰ ਦੇ ਹਨ।

    ਕੋਰੋਨਾਵਾਇਰਸ
    Image caption: ਸੰਕੇਤਕ ਤਸਵੀਰ