මොහමඩ් අලි අවසන් ගමනේ

අලි සිය ළමා විය ගෙවූ නිවසින් සමු ගනිමින්
ඡායාරූප ශීර්ෂ වැකිය,

අලි සිය ළමා විය ගෙවූ නිවසින් සමු ගනිමින්

ලෝක නායකයන් ද ඇතුළුව දස දහස් සංඛ්‍යාත ශෝකී ජනකායක් ඇමෙරිකා එක්සත් ජනපදයේ කෙන්ටකි ප්‍රාන්තයේ ලුවිස්විල් ( Louisville) නගරයට මේ වන විට එක්රැස් වෙමින් සිටිති.

දිවියෙන් සමුගත් බොක්සිං විරුවා වන මොහමඩ් අලි ගේ අවමඟුල් උළෙල සඳහායි එම ජන සහභාගිත්වය සිදු වෙන්නේ.

මියගිය ක්‍රීඩා දැවැන්තයාගේ ඥාතීන් සහ මිතුරන් ද ලුවිස්විල් හි එක්රැස් වූ ජනතාව අතර සිටිති.

මොහමඩ් අලි ළමා වියේ ජීවත් වූ නිවසේ සිට ගමන් ආරම්භ කරන පෙරහැර අවමඟුල් උළෙල පැවැත්වෙන ක්‍රීඩාංගණය කරා ලඟා වීමෙන් අනතුරුව ඔහු ඇදහූ ආගම වන ඉස්ලාම් දහමේ ශුද්ධ ග්‍රන්ථය වන කුරානයේ පාඨ කියැවීම ආරම්භ කෙරෙනු ඇත.

ඡායාරූප ශීර්ෂ වැකිය,

දැවන්තයකුට මහජන උපහාරය

පසුගිය සියවසේ විශ්වයේ ජීවමාන මහා දැවැන්ත චරිත අතර මුල් තැනක් හිමි කර ගනු ලබන මොහොමඩ් අලි බොක්සිං ක්‍රීඩා වළල්ල තුළ ලද විජයග්‍රහණ වලට අමතරව ඉන් පිටත ඉටු කරන ලද සමාජ යුක්තිය වෙනුවෙන් අද අවමඟුල් උළෙලේ දී උපහාර ලබනු ඇත.

මොහොමඩ් අලි අවමඟුල් උත්සවයේ ගුණ කතාව කරනු ලබන්නේ හිටපු ජනාධිපති බිල් ක්ලින්ටන් විසිනි.