ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

රංජිත් අමරසේකර

විශ්ව සම්භාවිත නයිජීරියානු මහා සාහිත්‍ය වේදී එලෙචි අමාඩි ගේ The Great Ponds නවකතාව සමගින් පරිවර්තක හා ගුවන් විදුලි රංග වේදී රංජිත් අමරසේකර.

පිළියන්දල මධ්‍ය මහා විද්‍යාලයෙන් අකුරු කරන සමයේ ම නිර්මාණ කරණයට බට රංජිත් අමරසේකර මුලින්ම ගුවන් විදුලියට සිය කුසලතා දායක කළේ 1959 දී. ඉනා බේත නමින් සිංහලට පෙරැලූ ප්‍රකට ඇමරිකානු සාහිත්‍ය වේදී ඕ හෙන්රි ගේ කෙටිකතාවක් ඔහුගේ මුල්ම ගුවන් විදුලි නාට්‍යයයි.

ගුවන් විදුලි රඟ මඩල ඇතුළු විවිධ ගුවන් විදුලි නාට්‍ය හැඩ කළ ඔහුගේ පිටපත් සංඛ්‍යාව දහස් ගණනක්. දෑවුරුද්දකට වැඩි කලක් සිරස රූපවාහිනියෙන් දිගහැරුණු මහා භාරතය මාලා නාටකය ට සිංහල උප සිරැසි සැකසුවේ රංජිත් අමරසේකර.

සිංහල නාට්‍ය බවට පෙරැලූ සම්භාව්‍ය කෙටිකතා සිරස ගුවන් විදුලියෙන් අසන්නා ට සමීප කළ ඔහු එම පිටපත් වනගත පාඨකයා නමින් කියවන්නාටත් දායක කළේයි.

ඉන්දීය ලේඛිකා කමලා මර්කන්දායේ ගේ Silence of Desire සිංහලට නගා කොටස් වශයෙන් ලක්බිම පුවත් පතේ පල කළ අමරසේකරයන්, අප්‍රිකානු සාහිත්‍යය ගුවන් විදුලියට හඳුන්වා දීමේ පුරෝගාමියායි.

නයිජීරියානු මහා සාහිත්‍ය වේදී එලෙචි අමාඩි ගේ The Great Ponds නවකතාව රංජිත් අමරසේකර විසින් සිංහලට නගා දිවයින පුවත් පතේ කොටස් වශයෙන් පල කොට පසුව මුද්‍රණ ද්වාරයෙන් එලි දක්වනු ලැබූයේ මහා විල් නමින්.

The Concubine හෙවත් ඇතොවුරු ලිය එලචි අමාඩි ගේ මුල්ම නවකතාවයි. ඇන්ඩි අමෙනේචි විසින් සිනමාවට නගන ලද එය ලන්ඩනයේ සරසවි පෙළ පොතක්.

ගණිතය හා භෞතික විද්‍යාව සඳහා ලන්ඩනයේ විද්‍යා උපාධි ධාරී එලචි අමාඩි නයිජීරියාවේ රිවර්ස් ස්ටේට් කලා පීඨාධි පති වරයායි.නවකතා කෙටිකතා නාට්‍ය හා ශාස්ත්‍රීය ලිපි රැගත් ග්‍රන්ථ ගණනාවක් ලියා පල කොට ඇති එලචි අමාඩි ගේ නවකතා කීපයක්ම සිංහලෙන් පලවී ඇත.

.