ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

පොදු අපේක්ෂකයා 'කුමන්ත්‍රණයක්' - බොදු බල සේනා

විපක්ෂයේ අපේක්ෂකයා ලෙස මෛත්‍රිපාල සිරිසේන පැමිණීම විජාතික කුමන්ත්‍රණයක් බව බොදු බල සේනා සංවිධානය පවසයි.

එළඹෙන ජනාධිපතිවරණය පිළිබඳව තම මතය ප්‍රකාශ කිරීම සදහා බොදු බල සේනා සංවිධානය අද, සිකුරාදා කොළඹ හයිඩ් පාක් පිටියේ සංවිධානය කළ රැළියක් අමතමින් එම අදහස් පළ කලේ එහි මහලේකම් ගලගොඩ අත්තේ ඥානසාර හිමියන්.

යුද්ධය ජයග්‍රහණය කිරීමට දේශපාලන නායකත්වය දුන් නායකත්වයට එරෙහිව පසුගිය 2010 ජනාධිපතිවරනයේදී ක්‍රියාත්මකවූ කුමන්ත්‍රණයම මෙවරත් ක්‍රියාත්මක වන බවයි ඥානසාර හිමියන් පැවසුවේ.

" අද අටවන උගුලම එදත් ඇටෙව්වා, මේ සතුරු බලවේගම එදත් ක්‍රියාත්මක වුනා, රට දිනපු නායකයාට, තමන්ම අනදීපු යුද්ධ හමුදා නායකයා, සරත් ෆොන්සේකා ජනාධිපතිගේ ප්‍රතිවාදියා බවට පත් කළා, "යනුවෙන් උන්වහන්සේ කියා සිටියහ.

දේශපාලන නායකත්වය

යුද්ධය දිනු පිළේ සිටි, එයට දේශපාලන නායකත්වය දුන් ප්‍රධාන දේශපාලන පක්ෂයේ ලේකම්වරයාම ප්‍රතිවාදියා ලෙස නායකයා ඉදිරියට පැමිණ සිටින බවත් එය අද දියත් කර ඇති කුමන්ත්‍රණය බවත් ඥානසාර හිමියෝ පැවසූහ.

මෙවර ජනාධිපතිවරණයේදී බොදු බල සේනාව කිසිදු අපේක්ෂකයකු වෙනුවෙන් පෙනී නොසිටන බවද බොදු බල සේනා සංවිධානයේ මහලේකම් ගලගොඩ අත්තේ ඥානසාර හිමියෝ අවධාරණය කළහ.