'ජාතික පුස්තකාලය මිසක් සිංහල පුස්තකාලය නෙවෙයි'
ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

'පුස්තකාලය වෙත පාලකයින්ගේ අවධානය යොමුවී නැහැ'

සිංහල, ද්‍රවිඩ හෝ වෙනත් භාෂාවන් කතාකරන ශ්‍රී ලංකාවේ වෙසෙන ජනතාව අතර සංහිඳියාව ඇතිකිරීම සඳහා පුස්තකාල සේවාව යොදාගැනීම පිළිබඳව රට තුළ පවතින උනන්දුව ප්‍රමාණවත් නොවන බව කැලණිය විශ්ව විද්‍යාලයේ පුස්තකාල සහ තොරතුරු විද්‍යා අධ්‍යයන අංශයේ මහාචාර්ය එම් කේ වීරසිංහ පවසයි.

ශ්‍රී ලංකාව ඉතා උසස් සාක්ෂරතාවයක් ඇති රටක් වුවද පුස්තකාලය නමැති ස්ථානය පිලිබඳ ඇත්තේ ඉතා අඩු අවධානයක් බව ඔහු පැවසුවේ බීබීසී සිංහල සේවයේ එස් එල් සෙනෙහෙධීර සමග සාකච්චාවකට එක්වෙමින්.

ශ්‍රී ලංකාව පුරා මහජන පුස්තකාල 1200 ක් පමණ තිබුණද පාලක පක්ෂයේ නිසි අවධානය පුස්තකාල වෙත යොමුවී නැති බවයි මහාචාර්යවරයා පවසන්නේ.

දකුණේ සාහිත්‍ය මාසයට සමගාමීව පැවැත්වෙන පොත් ප්‍රදර්ශන වැනි උත්සව යාපනය, ත්‍රිකුණාමලය හෝ මඩකලපුවේ ද පැවැත්විය යුතු බව පෙන්වා දෙන මහාචාර්ය වීරසිංහ පවසන්නේ දකුණේ පුස්තකාල වල ද්‍රවිඩ භාෂාව දන්නා සේවකයනුත් උතුරේ පුස්තකාල වල සිංහල බස දන්නා සේවකයනුත් යොදාගැනීමෙන් උතුරු දකුණු සංවාදයට මනා පිටිවහලක් වන බවයි.

ශ්‍රී ලංකාවේ ප්‍රකාශනය පත්වන සිංහල හෝ ඉංග්‍රීසි පොතක එක් පිටපතක් වත් උතුරේ හෝ නැගෙන හිර පුස්තකාල වෙත ලබාදීමේ ක්‍රමවත් වැඩ පිළිවෙලක් නැති බව පවසන ඔහු අධ්‍යාපනික ගවේෂණයකට හෝ දකුණේ ප්‍රකාශිත ග්‍රන්ථයක් කියවීමට උතුරේ විද්‍යාර්ථීන්ට අවශ්‍ය වුව හොත් ඔවුන් දින දෙක තුනක් නිවාඩු ගෙන කොළඹට පැමිණිය යුතුව ඇතිබවද ප්‍රකාශ කළේය.

මහාචාර්ය වීරසිංහ සමග පැවති සම්පුර්ණ සාකච්ඡාවට ඉහත හඬ පටයෙන් සවන්දිය හැකියි.