කැසිනෝ ආයෝජනවලට ඉඩ නැහැ - අගමැති

කැසිනෝ ආයෝජනවලට ඉඩ නැහැ - අගමැති Image copyright Ranil Wickremesinghe

ශ්‍රී ලංකාව තුළ කැසිනෝ ව්‍යාපාර පිහිටුවීම සඳහා කිසිදු ආයෝජකයෙකුට ඉඩකඩ ලබා නොදෙන බව අගමැති රනිල් වික්‍රමසිංහ පවසයි.

අගමැතිවරයා ඒ බව පවසා ඇත්තේ සිංගප්පූරුවේ නිල සංචාරය අතරතුර එරට ජාත්‍යන්තර ව්‍යවසාය සංවිධානයේ මෙහෙයවීමෙන් අඟහරුවාදා පැවති ව්‍යාපාරික හමුවක් අමතමිනි.

කැසිනෝ ව්‍යාපාර පිහිටුවීමට සම්බන්ධයෙන් ව්‍යාපාරිකයන් නැගුණු ප්‍රශ්නයකට පිළිතුරු දෙමින් රට සංවර්ධනය සඳහා කැසිනෝ ව්‍යාපාර උපකාරී කර ගැනීම යහපාලන රජයේ ප්‍රතිපත්තිය නොවන බව අගමැතිවරයා අවධාරණය කල බවයි අගමැති කාර්යාලය නිවේදනය කළේ

කර්මාන්ත, සංචාරක, බලශක්ති, නිවාස, ඉදිකිරීම්, පරිසර, නගර සැලසුම් ආදී ක්ෂේත්‍ර ගණනාවකට අදාළ ආයෝජන කටයුතු සිදු කිරීමේ හැකියාවන් පිළිබඳ එහිදී අගමැතිවරයා සහ සිංගප්පූරු ව්‍යාපාරිකයන් අතර සාකච්ඡා සිදු වී තිබේ.

සිය තෙදින නිල සංචාරය අවසන් කරමින් අග්‍රාමාත්‍ය රනිල් වික්‍රමසිංහ බදාදා උදෑසන ශ්‍රී ලංකාව බලා පැමිණියේය.

බීබීසී යෙන්