මාතර සමූහ දූෂණය: තවත් සැකකරුවන් දෙදෙනෙක් අත්අඩංගුවේ

Rape
Image caption හමුදා සොල්දාදුවකු සහ දැරිය දූෂණය කිරීම පිණිස කාමරයක් සපයා දුන් කාන්තාවකද සැකකරුවන් දොළොස් දෙනා අතර සිටිති

මාතර, පිටබැද්දර ප්‍රදේශයේ බාල වියේ දැරියක දූෂණය කිරීමේ චෝදනාව මත තවත් සැකකරුවන් දෙදෙනකු අත්අඩංගුවට ගත් බව පොලිසිය පවසයි.

පසුගිය ජූලි 10 වැනි දින නිවසින් අතුරුදහන් වූ දහතුන් හැවිරිදි දැරිය එදින දහවල් යාමයේ පුරුෂයන් නම දෙනකු විසින්වත් දූෂණය කරනු ලැබ ඇති බවයි, මාතර කොට්ඨාශ පොලිස් ළමා හා කාන්තා කාර්යාංශය පවසන්නේ.

එදිනම රාත්‍රියේ තවත් පුරුෂයන් පිරිසක් විසින් දැරිය සමූහ වශයෙන් දූෂණය කර ඇති බවත් කාර්යාංශයේ ප්‍රධානී පොලිස් පරීක්ෂක වරුණි කේෂලා බෝගහවත්ත පසුගිය සතියේ බීබීසී සංදේශයට කියා සිටියාය.

අත්අඩංගුවට ගැනුණු සැකකරුවන් 12 දෙනකු පසුගිය සිකුරාදා රිමාන්ඩ් බන්ධනාගාරගත කෙරුණු අතර, තවත් සැකකරුවන් දෙදෙනකු ඉරිදා සවස් යාමයේ කරන ලද වැටලීම්වලදී අත්අඩංගුවට ගෙන තිබේ.

Image copyright Getty Images
Image caption දස වැනි වියේ සිට වසර ගණනාවක් සිය පියාගේ කම්හලේ සේවය කරන පිරිස ඇතුළු පුරුෂයන් අතින් දිගින් දිගටම දූෂණයට ලක් වූ බවත් දැරියගේ ප්‍රකාශයේ සඳහන්.

ජූලි 11 වැනි දින සරණක් පතා මාතර විහාරස්ථානයකට පැමිණි අවස්ථාවේ එහි වැඩ වාසය කළ භික්ෂුන් වහන්සේ නමක්ද තමන් දූෂණය කළ බවත් දැරිය පොලිසියට පවසා තිබේ.

චුදිත භික්ෂුන් වහන්සේ ඇතුළු තවත් සැකකරුවන් හය දෙනකු තවමත් සොයමින් සිටින බවත් පොලිස් පරීක්ෂකවරිය සංදේශයේ සරෝජ් පතිරණ කළ විමසීමකදී සඳහන් කළාය.

ඒ අතරින් සැකකරුවන් තිදෙනෙකුගේ අනන්‍යතාවය දන්නා නමුත්, ඉතිරි තිදෙනා තවමත් නමින් හඳුනාගෙන නැති බවත් පොලිසිය පවසයි.

හත් වැනි වියේදී සිය සොහොයුරාගේ මිතුරෙකු අතින් මුලින්ම ලිංගික අපයෝජනයට ලක් වූ බවත්, ඉන් අනතුරුව දස වැනි වියේ සිට වසර ගණනාවක් සිය පියාගේ කම්හලේ සේවය කරන පිරිස ඇතුළු පුරුෂයන් අතින් දිගින් දිගටම දූෂණයට ලක් වූ බවත් දැරියගේ ප්‍රකාශයේ සඳහන්.

සබැඳි විෂයයන්

මේ පුවතට සම්බන්ධ තවත් විස්තර

බීබීසී යෙන්