ගැලැක්සි නෝට් 7 දුරකථන අලෙවිය නවතා දැමේ

Samsung battery fire Image copyright Reuters
Image caption සිංගප්පූරුවේ විද්‍යාගාරයක් තුළ සිදු කරන ලද පරීක්ෂණයකදී ගිනි ගත් ගැලැක්සි නෝට් සෙවන් දුරකථනයක්

සැම්සුන් සමාගම විසින් ගැලැක්සි නෝට් සෙවන් ස්මාර්ට් දුරකථන අලෙවිය අත්හිටුවනු ලැබ ඇති අතර එම දුරකථනය නිෂ්පාදනය කිරීම ස්ථීර වශයෙන් නවතා දමනු ඇති බවට වාර්තා පළ වේ.

සැම්සුන් සමාගම විසින් ගැලැක්සි නෝට් සෙවන් දුරකථන අලෙවිය අත්හිටවනු ලැබ ඇත්තේ එහි විදුලි කෝෂ ගිනිගත් බව වාර්තා වීමෙන් අනතුරුවයි.

සැම්සුන් සමාගම නෝට් සෙවන් දුරකථනය හඳුන්වා දුන්නේ ඊට වඩා පැරණි මාදිලියේ දුරකථන ද ගිනි ගත් බව වාර්තා වීමෙන් පසුවයි.

මෙම තත්වය සැම්සුන් සමාගමේ දුරකථන අලෙවියට බරපතළ පහරක් බවයි, තාක්ෂණික කටයුතු පිළිබඳ මාධ්‍යවේදිනී රිහානන් විලියම්ස් පවසන්නේ.

Image copyright AFP

"මේක පැහැදිලිවම සැම්සුන් සමාගමට බොහොම නරක ආරංචියක් නමුත් ඇපල් සමාගමට සුභාරංචියක්," ඇය පවසන්නීය.

"ස්මාර්ට් දුරකථන නිෂ්පාදනය කරන්නන්ගේ පැත්තෙන් බැලූ විට මේක ඔවුන්ගේ වැඩිම ආදයමක් ලැබෙන කාලය. නත්තල ආසන්න වෙන කොට ජංගම දුරකථනවලට ඉතා ඉහල ඉල්ලුමක් පවතිනවා. ඉතින් ගිනි ගන්න නෝට් සෙවන් දුරකථන මිලදී ගන්නවට වඩා ඔවුන් ඇපල් හෝ ගූගල් දුරකථන මිලදී ගන්න පෙළඹේවි," රිහානන් විලියම්ස් වැඩිදුරටත් සඳහන් කළාය.

සබැඳි විෂයයන්

මේ පුවතට සම්බන්ධ තවත් විස්තර

බීබීසී යෙන්