මැතිවරණය ආසන්නයේ මඩකලපුවේ පහරදීම් - මැතිවරණ නිරීක්ෂකයෝ

අවසාන යාවත්කාලීන කිරීම :  2012 සැප්තැම්බර් 7 සිකුරාදා - 15:53 GMT
Preparations underway for Saturday's elections

උතුරු මැද, නැගෙනහිර සහ සබරගමුව පළාත්වලට නව පළාත් සභා තෝරාගැනීමේ ඡන්ද විමසීම සෙනසුරාදා පැවැත්වීමට නියමිතයි

පළාත් තුනක පළාත් සභා මැතිවරණවල ඡන්ද විමසීම මුව විටේ තිබියදී මැතිවරණ ප්‍රචණ්ඩ ක්‍රියා ගණනාවක්ම වාර්තා වී ඇති බව මැතිවරණ නිරීක්ෂකයෝ පවසති.

මඩකලපුවේ ඔට්ටමාවඩි සහ වාලච්චේනයි ප්‍රදේශවලදී ශ්‍රී ලංකා මුස්ලිම් කොන්ග්‍රසයේ ආධාරකරුවන් පැහැර කෑමට ලක් වී ඇති බව නිදහස් හා සාධාරණ මැතිවරණයක් සඳහා වූ ව්‍යාපාරය හෙවත් කැෆේ සංවිධානය පවසයි.

එහිදී මුස්ලිම් කොන්ග්‍රසයේ එක ආධාරකරුවෙකුට බරපතල තුවාල සිදු වී ඇති බව කැෆේ සංවිධානයේ විධායක අධ්‍යක්ෂ රජිත් කීර්ති තෙන්නකෝන් බීබීසී සංදේශයට පැවසීය.

වත්මන් ආණ්ඩුවේ හවුල්කාර පක්ෂයක් වන මුස්ලිම් කොන්ග්‍රසය මෙවර මැතිවරණයට තරඟ වදින්නේ සන්ධානයේ හවුල්කරුවෙකු ලෙසින් නොවේ.

විශේෂයෙන්ම අම්පාර දිස්ත්‍රික්කයේ අක්කරේපත්තුව ප්‍රදේශයේ "ඉතා සංවිධානාත්මකව" ප්‍රචණ්ඩ ක්‍රියා සිදුවූ බව පවසන ඔහු, අවසාන මොහොත දක්වාම ඒවා පාලනය කිරීමට කිසිදු උත්සාහයක් නොදරූ බවට බලධාරීන්ට චෝදනා කරයි.

මේ හැරුනුකොට දෙහිඅත්තකන්දිය සහ වාලච්චේනයි ප්‍රදේශවල බාහිරින් පැමිණි විශාල පිරිසක් ලැගුම්ගෙන සිටීම නිසා ප්‍රදේශයේ ජනතාව බියට පත්වී සිටින බවද කැෆේ සංවිධානය පවසයි.

උතුරු මැද, නැගෙනහිර සහ සබරගමුව පළාත්වලට නව පළාත් සභා තෝරාගැනීමේ ඡන්ද විමසීම හෙට සෙනසුරාදා පැවැත්වීමට නියමිතයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.