අගවිනිසුරුවරියට එරෙහි දෝෂාභියෝගය කථානායකවරයා වෙත භාර දෙයි.

අවසාන යාවත්කාලීන කිරීම :  2012 නොවැම්බර් 1 බ්‍රහස්පතින්දා - 12:53 GMT

අගවිනිසුරු ශිරාණි බණ්ඩාරනායක ට එරෙහි දෝෂාභියෝගය කථානායකවරයා වෙත භාරදී තිබේ.

එක්සත් ජනතා නිදහස් සන්ධාන මන්ත්‍රීවරුන් 117 දෙනෙකු ඊට අත්සන් තබා ඇති බව අමාත්‍ය මණ්ඩල ප්‍රකාශක කෙහෙළිය රඹුක්වැල්ල ඇමතිවරයා ජන මාධ්‍ය අමතමින් ප්‍රකාශ කළේය.

පසුගිය කාල සීමාව තුල විධායකය සහ අධිකරණය අතර මෝදු වෙමින් තිබු අසමානතාව සමාන කිරීම සඳහා ආණ්ඩුක්‍රම ව්‍යවස්ථානුකූලව දෝෂාභියෝග යෝජනාව ඉදිදිරිපත් කළ බවයි රඹුක්වැල්ල ඇමතිවරයා පැවසුවේ.

එය පිටුපස කිසිදු දේශපාලන අරමුණක් නොමැති බවත් ඔහු පැවසුවේය.

මෙවැනි දෝෂාභියෝග මගින් ස්වාධීනව තීන්දු ලබා දෙන විනුසුරුවරුන්ට බලපෑම් එල්ලකිරීමක් සිදුවනවා නොවේදැයි යන ප්‍රශ්ණයට පිළිතුරු දුන් කෙහෙළිය රඹුක්වැල්ල ඇමතිවරයා කියා සිටියේ අධිකරණය ස්වාධීන වියයුතු අතර සාධාරණ ද විය යුතු බවයි.

"අධිකරණය ස්වාධීන නොවන්නේ නම් සාධාරණය ඉටු කරන්නේ කෙසේද?," යනුවෙන් ඇමතිවරයා ප්‍රශ්න කළේය.

මාධ්‍ය හමුවට පැමිණ සිටි දෝශාභියෝග යෝජනාව කථානායකවරයාට බාර දුන් පවිත්‍රා වන්නිආරච්චි ඇමතිවරිය දෝශාභියෝග යෝජනාවේ අඩංගු චෝදනා කවරේදැයි අනාවරණය කිරීම ප්‍රතික්ෂේප කළාය.

දෝෂාභියෝගය විමර්ශනය කිරීමට පත් කරනු ලබන තේරීම් කාරක සභාව විසින් අගවිනිසුරුවරිය වෙත එම චෝදනා දැනුම් දෙනු ඇතැයිද ඇය තවදුරටත් කියා සිටියාය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.