ශ්‍රී ලංකාවේ ඒඩ්ස් රෝගීන් සංඛ්‍යාව 'වැඩිවෙලා'

අවසාන යාවත්කාලීන කිරීම :  2012 දෙසැම්බර් 2 ඉරිදා - 12:27 GMT
UN AIDS Day

ලෝක ඒඩ්ස් දිනය දෙසැම්බර් 01 වැනිදාට යෙදී තිබිණ

එච්අයිවී ඒඩ්ස් ආසාදිතයන්ගේ සංඛ්‍යාව පාලනය කිරීමට බොහෝ අසල්වැසි රටවල් සමත් වී සිටියදී ශ්‍රී ලංකාවේ ඒඩ්ස් ආසාදිතයන්ගේ ඉහල යමින් තිබෙන බව වෛද්‍ය විශේෂඥයෝ පෙන්වා දෙති.

යූඑන්ඒඩ්ස් (UNAIDS) හෙවත් ඒඩ්ස් මර්ධනය සම්බන්ධ එක්සත් ජාතීන්ගේ සංඛ්‍යාලේඛන උපුටා දක්වමින් ලිංගාශ්‍රිතව බෝවන රෝග සහ ඒඩ්ස් පිලිබඳ මධ්‍යස්ථානයේ වෛද්‍ය ශාන්ත හෙට්ටිආරච්චි ඒ බව පැවසුවේ බීබීසී සංදේශය සමඟ සාකච්ඡාවකට එක්වෙමින්.

එක්සත් ජාතීන් පවසන අන්දමට, ලොවපුරාම අලුත් ඒඩ්ස් ආසාදිතයන්ගේ ප්‍රමාණය පහල යමින් තිබියදී ආසාදනය සියයට 25 කින් වැඩිවන රටවල් නමය අතරට ශ්‍රී ලංකාව ද එක්වන බව ඔහු පෙන්වා දෙයි.

"2012 තමයි එච්අයිවී ආසාදිතයන් වැඩිම වශයෙන් වාර්තා වුනු අවුරුද්ද. මාසයකට 15 ක් තරම් ඉහලයි. මේක හොඳ නැහැ. මේ තරම් කාලෙකට අපි මේ වගේ තැනකට ගියේ නැහැ," වෛද්‍ය ශාන්ත හෙට්ටිආරච්චි පැවසීය.

මේ වනවිට ශ්‍රී ලංකාවේදී එච්අයිවී ඒඩ්ස් ආසාදිතයන් 275 ක් මියගොස් සිටින අතර තවත් ආසාදිතයන් 4200ක් ශ්‍රී ලංකාවේ වාසය කරන බවයි ඇස්තමේන්තු කෙරෙන්නේ.

ශ්‍රී ලංකාවේ ආසාදිතයන් ඉහල යද්දී ඉන්දියාව, තායිලන්තය, මියන්මාරය, නේපාලය වැනි රටවල් ආසාදිතයන්ගේ ප්‍රමාණය 50% කින් හෝ ඊටත් වඩා ප්‍රමාණයකින් ආසාදන වර්ධනයේ පහල යාමක් දක්වන රටවල් ලෙසින් එක්සත් ජාතීන් විසින් හඳුනාගෙන තිබියදීයි.

එච්අයිවී ඒඩ්ස් වසංගතයේ ආදීනව පිළිබඳව ශ්‍රී ලංකාවේ තරුණ කොටස් ඇතුළු ජනතාව දැනුවත් කිරීම අඩුවීම මෙයට එක හේතුවක් විය හැකි බවයි, වෛද්‍ය ශාන්ත හෙට්ටිආරච්චි ප්‍රකාශ කරන්නේ.

ලෝක ඒඩ්ස් දිනය දෙසැම්බර් 01 වැනිදාට යෙදී තිබිණ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.