'සීතා මං ආවා' ට බාධා

  • 2013 සැප්තැම්බර් 14
Image caption Courtesty Wikipedia

'සීතා මං ආවා' චිත්‍රපටයේ මංගල දර්ශනය බොරැල්ලේ රිට්ස් සිනමා ශාලාවවේ දී ප්‍රදර්ශනය කිරීමේ දී රාවනා බලකාය සංවිධානය පැමිණ බාධා පැමිණ වූ බව චිත්‍රපටයේ අධ්‍යක්ෂක වරයා පවසයි.

රාමා, රාවනා, සීතා යන නම් චිත්‍රපටයෙන් ඉවත් කරන ලෙස රාවනා බලකාය ඉල්ලා සිටින බව පවසන චිත්‍රපටය තිර රචනය කොට අධ්‍යක්ෂණය කළ ජයසේකර අපොන්සු පවසන්නේ චිත්‍රපටයට රැඟුම් පාලක මණ්ඩලයේ පූර්ණ අනුමතිය ලැබී ඇති බවයි.

අනතුරු ඇඟවීමක්

චිත්‍රපටය නැරඹීමට පැමිණි ස්වාමීන් වහන්සේලා පහළොස් දෙනකු පමණ “බෙහෙත් තෙල් ඔරුවෙන් රාවනා නැගී සිටින දර්ශනය“ ප්‍රදර්ශනය කෙරෙන අවස්ථාවේ දී නැගිට ගොස් සීතා මං ආවා රාමා, රාවනා, හනුමන්තා වැනි නම් ඉවත් නොකළහොත් විශාල කලබලයක් ඇති විය හැකි බවට අනතුරු අඟවා සිටි බවයි ඔහු පැවසුවේ.

සාරුක් ඛාන් රඟ පෑ රාවන් යන චිත්‍රපටය, රාවන් නමැති දෙමළ චිත්‍රපටය , මෙන්ම ගාමිණි ෆොන්සේකා ඇතුළු කණ්ඩායමක් විසින් නිපදවූ සීතා දේවී චිත්‍රපටයත් ලංකාවේ ප්‍රදර්ශනය කර ඇති බව පෙන්වා දෙන චිත්‍රපටයේ අධ්‍යක්ෂක ජයසේකර අපොන්සු මෙම චිත්‍රපටය වර්තමානයට ගැලපෙන ආකාරයට නිපදවා ඇති බව ප්‍රකාශ කළේය.

රාවණාට භික්ෂුත් වහන්සේ පිහිටවන අවස්ථා පවා ඇති සීතා මං ආවා චිත්‍රපටයෙන් කිසිම තැනක රාවණාට අපහාස වන දෙයක් දක්නට නැති බවයි ඔහු පවසන්නේ.

“මට හරි පුදුමයි රාවනා බලය මොකක්ද මේ කරන්නේ “, ඔහු තවදුරටත් කියා සිටියේය.