අපට රිදවන්න අවන්ගාඩ් කළු සල්ලි -ජවිපෙ

Image copyright JVP

ජනතා විමුක්ති පෙරමුණට රිදවීම සඳහා ‘කුඩා කල්ලි’ ඒකරාශී වී ඇති නමුත් පක්ෂයේ ගමනට ඉන් බලපෑමක් හෝ බාධාවක් නොවන බව ජනතා විමුක්ති පෙරමුණ පවසයි.

අවන්ගාඩ් ගනුදෙනුව පිළිබඳව හෙළිදරව් කිරීම නිසා ඊට ප්‍රති ප්‍රහාරයක් ලෙස මෙය දියත් වන බවයි මාධ්‍ය හමුවකදී ජවිපෙ ප්‍රධාන ලේකම්වරයා ප්‍රකාශ කළේ.

'පිටුපස සිටින ඇමතිවරයා'

‘අපි කටයුතු කරන්නේ කිසියම් ස්ථාවරයකට අනුවයි. මෙම සිදුවීම් පිළිබඳව පොදු චිත්‍රයක් අපට තිඛෙනවා. පසුගිය කාලයේ ඇවන්ගාඩ් ගනුදෙනුව සම්බන්ධයෙන් හෙළිදරව් කළ නිසා එයට ප්‍රහාරයක් ලෙස තමයි මේ සියලූ දේ සිදුවෙමින් තිඛෙන්නේ. දින 100 ආණ්ඩුව කාලයේ ඇවන්ගාඩ් සම්බන්ධයෙන් අපි හෙළිදරව් කළා. ඒ අවස්ථාවේදී ඇවන්ගාඩ් ආයතනයේ පිරිසක් අපේ ප්‍රධාන කාර්යාලය ඉදිරිපිට කලබලයක් ඇතිකළා. ඒ පිටුපස සිටි ඇමතිවරයා කවුද කියලා ඔබ කව්රුත් දන්නවා. එනිසා මෙම ඇවන්ගාඩ් සල්ලිවලින් යැපෙන විවිධ පිරිස් ජවිපෙට එරෙහිව ප්‍රහාර එල්ල කරන්න එකතුවෙලා ඉන්නවා.’ ප්‍රධාන ලේකම් ටිල්වින් සිල්වා පැවසීය.

'වීරවංශ+සෝමවංශ'

ඒ සඳහා ‘එකට වැඩ කළ නොහැකි පිරිස්’ පවා ඒකරාශී වී ඇති නමුත් අවන්ගාඩ් ගනුදෙනුව පිළිබඳව සොයා බැලීම අත් නොහරින බව ජනතා විමුක්ති පෙරමුණ අවධාරණය කරයි.

‘එහි තිඛෙන විකාරරූපී බවනම් කවමදාකවත් එකට වැඩ කළ නොහැකි පිරිස් පවා අද එකතුවෙලා තිබීමයි. එක පැත්තකින් විමල් වීරවංශ, සෝමවංශ එකට වැඩකරන්න පටන්ගෙන තිඛෙනවා. අද සෝමවංශ අමරසිංහ මහත්තයා කුමාර් ගුණරත්නම් ගැන කලින් නොකියපු දේවල් කියමින් ඉන්නවා. මේ සියලූ දෙනා එකතු වෙලා ඉන්නේ ජවිපෙට රිදවන්නයි. ජවිපෙන් ඉවත් වුණු, ඉවත්කළ, පිරිස් එකතු වෙලා දැන් ජවිපෙට රිදවන්න උත්සාහ කරනවා. මේ පිටුපස තිබෙන්නේ ඇවන්ගාඩ් කළු සල්ලියි. ගෝඨාභය රාජපක්‍ෂ මේ සිදුවීම් පිටුපස ඉන්නවා. අපිට විරුද්ධ කණ්ඩායම්වලට ගෝඨාභය රාජපක්‍ෂ උදව් කරනවා. මේ පිරිස හිතාගෙන ඉන්නේ මේ අවලාද නිසා අපි ඇවන්ගාඩ් ප්‍රශ්නය අතහරියි කියලා.’ ජවිපෙ ප්‍රධාන ලේකම්වරයා පැවසීය.

මේ පුවතට සම්බන්ධ තවත් විස්තර