නේපාල භූමිකම්පාව: 'දස ලක්ෂ සංඛ්‍යාත පිරිසක් තවමත් පැල්පත්වල'

නේපාලය
ඡායාරූප ශීර්ෂ වැකිය,

තවමත් විශාල පිරිසක් කුඩාරම් සහ පැල්පත්වල තුළ දිවි ගෙවති

නේපාල භූමිකම්පාව සිදු වී වසරක් ගත වී ඇතත් උන් හිටි තැන් අහිමි දස ලක්ෂ සංඛ්‍යාත පිරිස් තවමත් තාවකාලික පැල්පත් තුළ දිවි ගෙවන බව ආධාර සංවිධාන පවසයි.

පසුගිය වසරේ නේපාලයේ ඇති වූ ප්‍රබල භූමිකම්පාවට හසු වී මරුමුවට පත් සංඛ්‍යාව නව දහසකට ආසන්නයි.

යළි ගොඩ නැගීමේ ව්‍යාපෘති සඳහා පරිත්‍යාගශීලීන්ට සෘජු ලෙස මුදල් වැය කළ නොහැකි අතර ආණ්ඩුවේ නිලධාරිවාදය හේතුවෙන් ප්‍රතිසංස්කරණ කටයුතු අඩපණ වී ඇති බවයි රතුකුරුස සංවිධානයේ ප්‍රකාශකයෙක් කියා සිටියේ.

ඡායාරූප ශීර්ෂ වැකිය,

භූමිකම්පාවෙන් විනාශයට පත් සිද්ධත්ස්ථානයක් ඉදිරියේ යාඥා කරන නේපාල වැසියෙක්

ඡායාරූප ශීර්ෂ වැකිය,

සංචාරකයන් අතර ප්‍රචලිත භූමිකම්පාවෙන් විනාශයට පත් ධරාරා කුළුනේ පාදම පමණක් ශේෂ වී ඇත

දරුණු ව්‍යසනයෙන් අනතුරුව නේපාලය වෙත ඩොලර් කොටි හාරසීයකට අධික ආධාර ගලා ආවත් එම මුදල් වැය කොට නොමැති බවයි ආධාර සංවිධාන පෙන්වා දෙන්නේ.

නේපාලයේ නාගරික සංවර්ධන අමාත්‍යංශයේ ලේකම් කියා සිටියේ ආණ්ඩුවේ සම්බන්ධීකරණයකින් තොරව සිදු කෙරෙන සහන ව්‍යාපෘති හරහා විනාශකාරී ප්‍රතිඵල ලැබිය හැකි බවයි.