අයිඑස් ප්‍රහාරයකින් යේමනයේ 'විසිපහක් මරුට'
Image copyright
AFP /Getty
යේමනයේ මුකල්ලා නගරයේ සිදු වූ මරාගෙන මැරෙන බෝම්බ ප්‍රහාරයකට ගොදුරු වී අලුතෙන් බඳවා ගනු ලැබූ පොලිස් භටයන් විසි පස් දෙනෙකුවත් මරුමුවට පත් වී ඇති බව එරට බලධාරීහු පවසති.
ප්‍රහාරයේ වගකීම තමන් බාර ගන්නා බව ඉස්ලාමීය රාජ්‍ය සංවිධානය නිවේදනය කොට තිබේ.
බෝම්බ ප්‍රහාරය එල්ල වී ඇත්තේ නවක භටයන් පොලිස් මූලස්ථානයක් අසල පෝලිම් ගැසී සිටියදී.
අල් කයිඩා සංවිධානය අත පැවති මුකල්ලා නගරය පසුගිය මාසයේදී යේමන හමුදා නැවත අත්පත් කර ගත්හ.
2011 වසරේ සිට මේ දක්වා යේමනයේ පවතින ගැටුම්වලට මැදි වී උන් හිටිතැන් අහිමි වූ සංඛ්‍යාව ලක්ෂ විස්සකට ආසන්නයි.