තායි කොටි පන්සල වසා දැමෙයි

tiger temple
ඡායාරූප ශීර්ෂ වැකිය,

කොටි පන්සල

පරිසරවාදීන්ගේ දෝෂ දර්ශනයට ලක් වෙමින් පවතින තායිලන්ත බෞද්ධ විහාරස්ථානයක රඳවනු ලැබ සිටින කොටින් එම ස්ථානයෙන් ඉවත් කිරීමට වනජීවී නිලධාරීහු පියවර ගනිමින් සිටිති.

තායිලන්තයේ 'කාන්චනාබූරී' පළාතේ පිහිටි එම බෞද්ධ විහාරස්ථානයේ රඳවා ඇති කොටින් 137 දෙනකු ඉවත් කිරීමට කටයුතු කෙරෙමින් ඇති බවයි තායිලන්තයෙන් ලැබෙන වාර්තා මගින් පැවසෙන්නේ.

ඡායාරූප ශීර්ෂ වැකිය,

කොටින්ට පැන් පහසුව

පශු වෛද්‍ය නිලධාරීන් විසින් ජීවීන් සිහිසුන් කිරීමට එන්නත් කරන ඖෂධ විදිමින් සිය ග්‍රහණයට ගනු ලබන කොටින් අසළ පිහිටි අභය භූමියකට මුදා හැරීමේ සැලැස්මක් ක්‍රියාත්මක කෙරෙන බවයි එම වාර්තා වල දැක්වෙන්නේ.

දම්වැල් වලින් ගැට ගසන ලද කොටින් රැගෙන ඇවිදීමට සහ ඔවුන් සමඟ ඡායාරූප ගැනීමට සංචාරකයන්ට අවස්ථාව සලසමින් එම බෞද්ධ විහාරය වසරකට ඩොලර් පනස් ලක්ෂයකට අධික මුදලක් උපයා ගන්න බව ඇස්තමේන්තු කොට ඇත.

ඡායාරූප ශීර්ෂ වැකිය,

මුදලට කොටි සුරතල්

සත්ව අයිතිවාසිකම් වෙනුවෙන් පෙනී සිටින ක්‍රියාධරයෝ වසර කීපයක් තිස්සේ දිගින් දිගටම කියා සිටියේ එම බෞද්ධ විහාරය වසා දමන ලෙසයි.

සත්ව අවයව විකිණීමේ ජාවාරමේ නිරත වෙන බවටත් විහාරස්ථානය චෝදනා ලබයි.

ඡායාරූප ශීර්ෂ වැකිය,

වෙහෙසව පිපාසයෙන්

එසේම කොටින්ට කස පහර එල්ල කිරීම සහ ඉතා කොට දම්වැල් වලට ඔවුන් ගැට ගසා තැබීම සම්බන්ධයෙන් ද එම ස්ථානයට චෝදනා එල්ල වී ඇත.

ඡායාරූප ශීර්ෂ වැකිය,

කොටි සුරතල්