ඕස්ට්‍රේලියාවට බිහිසුණු කුණාටුවක්

ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත
සිඩ්නි නුවර වෙරළාසන්නයේ පිහිටි පිහිනුම් තටාකයක් සම්පුර්ණයෙන්ම විනාශ වී ඇති අයුරු

ඕස්ට්‍රේලියාවේ නැගෙනහිර වෙරළාසන්න ප්‍රදේශ වලට බලපෑ දරුණු කුනාටු තත්වයෙන් පුද්ගලයන් තිදෙනෙකු මරණයට පත් වී තවත් කිහිප දෙනෙකු අතුරුදහන් වී ඇත.

ගංගා පිටාර ගැලීමෙන් සහ ගස් කඩා වැටීමෙන් ප්‍රදේශයේ විශාල දේපළ හානියක් සිදු වී තිබේ.

ඕස්ට්‍රේලියාවේ ටැස්මේනියා, වික්ටෝරියා සහ දකුණුදිග නිව් සවුත් වේල්ස් යන ප්‍රදේශ තවමත් දැඩි කුණාටු තත්වයෙන් පීඩා විඳින බවයි වාර්තා වෙන්නේ.

සිඩ්නි නුවර කොරලෝයි වෙරළ ආසන්නයේ පිහිටා ඇති සුඛෝපභෝගී නිවෙස් හැර ආරක්‍ෂිත ස්ථාන වලට යන මෙන් බලධාරීන් නිවැසියන්ට දන්වා ඇති අතර සැඩ කුණාටුවට හසු වීමෙන් එම නිවාස කඩා වැටීමේ අවදානමක් පවතින බවයි ඔවුන් පවසන්නේ.

ටැස්මේනියා ප්‍රදේශයේ ගංගා හතක් පිටාර ගැලීමට ඉඩ ඇති බැවින් දරුණු ගංවතුර තත්වයක් ඇති වන බවටයි අනතුරු ඇඟවීම් නිකුත් වී තිබෙන්නේ.

එම ප්‍රදේශයේ ජනතාවට සිය නිවෙස් හැර ආරක්‍ෂිත ස්ථාන වලට යන මෙන් උපදෙස් ලබා දී ඇති අතර මහලු යුවලක් ගංවතුරට හසුව මිය ගොස් ඇති බවටයි සැක පළ වී තිබෙන්නේ.

ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත
කුනාටුව ඉතා තදින්ම බලපා ඇති ඕස්ට්‍රේලියාවේ නැගෙනහිර වෙරළෙන් ඉවත්ව සිටින ලෙස මහජනතාවට උපදෙස් ලබා දී තිබේ.

කුණාටුවට හසු වී අතුරුදහන් වූ පුද්ගලයන් සෙවීමේ මෙහෙයුම් මේ වන විට ආරම්භ කර තිබේ.

කොටර් ගංගාව (Cotter River) හරහා වැටුණු මාර්ගයක ගමන් කරමින් සිටි පුද්ගලයකු ක්ෂණිකව ඉහළ නැගී ගංවතුර රළ පහරට හසුව ජීවිතක්ෂයට පත් වී ඇති අතර තිස්හත් හැවිරිදි ඔහුගේ මළ සිරුර අද උදෑසන සොයා ගැනීමට හැකිවූ බවයි බලධාරීන් පවසන්නේ.

Image copyright Getty Images
Image caption සිඩ්නි නුවර කොලරෝයි වෙරළට බලපෑ කුණාටුව හේතුවෙන් මුහුදු රළ මීටර අටක් දක්වා ඉහළ නැගුණි.
Image copyright UNSW Water Research Lab
Image copyright Getty Images
Image copyright Getty Images
Image copyright Getty Images