යුරෝ 2016: පාපන්දු ලෝලීන් අතර ගැටුම්

France Image copyright Reuters
Image caption පොලීසිය කඳුළු ගෑස් යොදා ගනිමින් තත්වය පාලනය කිරීමට උත්සාහ කළ ආකාරය

ප්‍රංශයේ මාර්ෂෙයි හි දී එංගලන්තය සහ රුසියාව අතර පැවති යුරෝපා කුසලාන පාපන්දු තරඟය අවසානයේ කලහකාරී ගැටුමක් ඇතිවිය.

රුසියානු පාපන්දු ලෝලීන් පිරිසක් ආරක්ෂක වළල්ලෙන් ද පැන ගොස් වැටට උඩින් පැන පලායමින් සිටි එංගලන්ත පාපන්දු ලෝලීන්ට පහරදෙනු දක්නට ලැබුණු බවයි වාර්තා වන්නේ.

Image copyright AP
Image caption රුසියානු පාපන්දු ලෝලීන් එංගලන්ත පාපන්දු ලෝලීන්ට පහර දුන් බවයි පැවසෙන්නේ

රුසියානු පාපන්දු ලෝලීන්ගේ නොමනා හැසිරීම හේතුවෙන් රුසියාවට එරෙහි විනය ක්‍රියාමාර්ග ගනු ලැබීමට ඉඩ ඇති බවද වාර්තාවල සඳහන්වේ.

Image copyright Reuters
Image caption එංගලන්ත පාපන්දු ලෝලීන් පිරිසක් රෝහල් ගත කර සිටින බවයි වාර්තා වන්නේ

මීට පෙර මාර්ෂෙයි හි පැරණි වරාය ප්‍රදේශයේ දී දෙපිරිස අතර ගැටුම් හැට ගෙන තිබේ.

Image copyright EPA
Image caption බොහෝ පිරිස් මෙම කලහයෙන් බේරීමට වැටට උඩින් පැන පලා ගියහ

පොලීසිය විසින් කඳුළු ගෑස් සහ ජල ප්‍රහාර යොදාගනිමින් ගැටුම මැඩපැවැත්වීමට කටයුතු කර ඇති අතර පුද්ගලයන් තිස් දෙනෙකුට පමණ තුවාල සිදුවී ඇති බවයි වාර්තා වන්නේ.

මේ අතර නයිස් නගරයේ දී උතුරු අයර්ලන්ත සහ ප්‍රංශ පාපන්දු ලෝලීන් අතර ගැටුමකින් පුද්ගලයන් හය දෙනෙකු තුවාල ලබා ඇත.

මේ පුවතට සම්බන්ධ තවත් විස්තර