එලිසබෙත් රැජිනට අනූවයි: නිල උපහාරය
බ්‍රිතාන්‍යයේ එලිසබෙත් මහ රැජිනගේ අනූ වැනි උපන්දිනය දින තුනක් මුළුල්ලේ නිල වශයෙන් සැමරීමට එරට සංදර්ශන, හමුදා පෙළපාලි සහ උතසව සංවිධානය කර තිබූ අතර දහස් සංඛ්‍යාත ජනතාව වීදි දෙපසට එක්රැස්ව සිටි අයුරු දක්නට ලැබුණි.
ඡායාරූප මූලාශ්‍රය, PA
බ්‍රිතාන්‍යයේ එලිසබෙත් මහ රැජිනගේ අනූ වැනි නිල උපන්දින සැමරුම සංවිධානය කර තිබුනේ ඇයගේ උපන්දිනයෙන් සති හතක කාලයක් ගෙවුණු පසුවයි. ඊයේ දිනයේදී බකිංහැම් මාලිගයෙන් පිටත උද්‍යානයේ සංවිධානය කර තිබූ තේ පැන් සංග්‍රහයට දස දහස ඉක්මවූ ජනකායක් රැස්ව සිටියහ.
ඡායාරූප මූලාශ්‍රය, Getty Images
සිය අනුග්‍රහය යටතේ පවත්වාගෙන යන පුණ්‍යායතන විසින් සංවිධානය කරනු ලැබූ සංදර්ශනය නැරඹීමට පැමිණ සිටි බ්‍රිතාන්‍ය මහ රැජිනිය.
ඡායාරූප මූලාශ්‍රය, PA
එලිසබෙත් රැජිනගේ අනූ වැනි නිල උපදින සැමරුම වෙනුවෙන් වූ වීදි සංදර්ශනය පැවැත්වුනේ ඊයේ (ඉරිදා) සන්ද්‍යා භාගයේදීයි.
ඡායාරූප මූලාශ්‍රය, PA
සංදර්ශන වෙනුවෙන් සහභාගී වූ නැටුම් කණ්ඩායම් ඇද හැලුණු වර්ෂාව නොතකමින් නර්තනයේ යෙදුනෝය.
ඡායාරූප මූලාශ්‍රය, AFP
බ්‍රිතාන්‍ය කොඩිය අතැතිව රන් පැහැ ඔටුනු පැලඳී කාන්තාවන් තේ පැන් සංග්‍රහයට සහභාගී වී සිටි අයුරු
ඡායාරූප මූලාශ්‍රය, PA
එලිසබෙත් රැජිනගේ උපදිනයට සුභ පැතුම් එක් කිරීමට නිර්මාණය කර තිබූ වර්ණවත් තොප්පි සංදර්ශනය නැරඹීමට පැමිණි පිරිස් අතර බෙදා දී තිබුණි.
ඡායාරූප මූලාශ්‍රය, Reuters
බකිංහැම් මාලිගය අසල උද්‍යානයේ වීදි දෙපසට රැස්වූ දහස් ගණනක් ජනතාව සිය රැජිනට සුභ පතමින් උපන්දින ගීතය ගායනා කළ අතර එලිසබෙත් රැජින රැගත් රථපෙළ ඉතා සෙමෙන් උද්‍යානයේ වීදි වල ගමන් ගත්හ.
ඡායාරූප මූලාශ්‍රය, Reuters
රාජකීය පවුලේ විලියම් කුමරු සහ කෙට් කුමරියත්, හැරී කුමරාත් රැජිනගේ උපන්දින සැමරුමට සහභාගී වී සිටියහ.
ඡායාරූප මූලාශ්‍රය, AFP
චාල්ස් කුමරු සහ කෝන්වෙල් ආදිපාදවරිය එලිසබෙත් රැජිනගේ නිල උපන්දිනය සමරුවේ එංගලන්තයේ බ්‍රිම්ස්ෆීල්ඩ් හි සංවිධානය කර තිබූ සාදයකට සහභාගී වෙමිනි.
ඡායාරූප මූලාශ්‍රය, Getty Images
ලන්ඩන් නුවර ශාන්ත ජේම්ස් සහ ග්‍රීන් පාර්ක් උද්යානයන්හිද බ්‍රිතාන්‍ය රැජිනගේ උපන්දින සමරම වෙනුවෙන් තේ පැන් සංග්‍රහ සංවිධානය කර තිබුණු අතර දහස් සංඛ්‍යාත බ්‍රිතාන්‍ය වැසියන් ආහාර පාන බෙදා හදා ගත්හ.
ඡායාරූප මූලාශ්‍රය, AP
සිය රැජිනට උපහාර දැක්වීමට එංගලන්ත කොඩිය සංකේතවත් කරමින් සැරසුණු බ්‍රිතාන්‍ය යුවලක්
ඡායාරූප මූලාශ්‍රය, EPA
බකිංහැම් මාලිගා භුමිය තුළ නිල උපන්දින සැමරීමේ දෙවැනි දින ආරම්භය සටහන් කළ රාජකීය අශ්ව භට කණ්ඩායම් පෙරෙට්ටුව.
ඡායාරූප මූලාශ්‍රය, AP
වීදි පෙරෙට්ටුවක උපහාර ලබමින් ගමන් ගත් මහ රැජින
ඡායාරූප මූලාශ්‍රය, Reuters
රාජකීය පවුල සහ රැජින ඉදිරියේ පැවැත්වූ පෙරෙට්ටුව වෙනුවෙන් රාජකීය භටයන් එක්දහස් හයසීයක් සහභාගී වූහ.
ඡායාරූප මූලාශ්‍රය, Reuters
බකිංහැම් මාලිගය ඉදිරියේ පැවති පෙරෙට්ටුවට අශ්වයින් තුන්සීයක් යොදවා තිබුණි.
ඡායාරූප මූලාශ්‍රය, PA
රාජකීය ආරක්ෂක භට කණ්ඩායමේ තූර්යවාදන පෙරෙට්ටුව
ඡායාරූප මූලාශ්‍රය, PA
බ්‍රිතාන්‍ය ගුවන් හමුදාවෙන් රැජිනට උපහාර
ඡායාරූප මූලාශ්‍රය, Reuters
බකිංහැම් මාලිගයේ සන්දලුතලයේ සිට ගුවන් හමුදා ආචාර පිළිගත් එලෙසබෙත් මහ රැජින.