දලයි ලාමා-ඔබාමා හමුවට චීනයේ විරෝධය

Image caption දලයි ලාමා බරක් ඔබාමා අතර පැරණි හමුවක්

ජනාධිපති බරක් ඔබාමා සහ ටිබෙට් බෞද්ධ නායක දලයි ලාමා අතර හමුවක් සැලසුම් කෙරෙමින් පවතිද්දී චීනය ඊට එරෙහිව ඇමෙරිකා එක්සත් ජනපදයට නිල පැමිණිල්ලක් ඉදිරිපත් කර ඇත.

ජනාධිපති ඔබාමා සහ දලයි ලාමා අද (15) සවස ධවල මන්දිරයේ දී හමු වීමට නියමිතයි.

එය 'පෞද්ගලික හමුවක්' ලෙසයි ප්‍රකාශයට පත් කරනු ලැබ තිබෙන්නේ.

චීනයෙන් නිදහස් වීමට අවශ්‍ය කරන ටිබෙට් දේශයේ බෙදුම්වාදී බලවේග වලට එවැනි හමුවක් මගින් වැරදි පණිවුඩයක් සැපයෙන බවයි චීන විදේශ අමාත්‍යාංශ ප්‍රකාශක ලු කැන්ග් (Lu Kang) කියා සිටියේ.

ඔබාමා - දලයිලාමා හමුව වාර්තාකරණය සඳහා සහභාගී වීමට ජන මාධ්‍යයට අවසර නොදීමට ධවල මන්දිරය මේ අතර තීරණය කර ඇත.

චීනය සමඟ පවතින රාජ්‍යතාන්ත්‍රික සබඳතා ආරක්ෂා කර ගැනීමේ උපායක් වශයෙනුයි එවැනි තහංචියක් පනවනු ලැබ තිබෙන්නේ