උතුරු කොරියාවට තවත් සම්බාධක

  • 2016 සැප්තැම්බර් 10
Image copyright AFP
Image caption උතුරුකොරියානු නායක කිම් ජොන් උන්

උතුරු කොරියාව ඊයේ දියත් කළ පස් වෙනි න්‍යෂ්ඨික අත්හදා බැලීමට ප්‍රතිචාරයක් ලෙස එක්සත් ජාතීන්ගේ සංවිධානය උතුරු කොරියාවට එරෙහිව නව සම්බාධක සම්පාදනය කරමින් සිටියි.

2006 වසරේ දියත් කළ පළමු න්‍යෂ්ටික අත්හදා බැලීමෙන් පසු මේ වන විටත් උතුරු කොරියාව එක්සත් ජාතීන් විසින් පැනවූ සම්බාධක පහකට යටත්ව සිටියි.

උතුරු කොරියානු ජාතික දිනය සනිටුහන් කරමින් දියත් කළ මෙම න්‍යෂ්ඨික අත්හදා බැලීම දැඩි ලෙස හෙලා දකිමින් මාධ්‍යට විවෘත්ත නොවූ සාකච්ඡාවකට සහභාගී වූ එක්සත් ජාතීන්ගේ ආරක්ෂක මණ්ඩලය පසුව නිවේදනයක් ද නිකුත් කළේය.

උතුරු කොරියාවේ ඉදිරි පැවැත්මට හැකි උපරිම අයුරින් බාධා වන සේ ප්‍රබල සම්බාධක පනවන බව දකුණු කොරියාව පවසයි.

උතුරු කොරියාවේ මෙම නව න්‍යෂ්ඨික අත්හදා බැලීම් හේතුවෙන් පරිසරයට විකිරණශීලී ද්‍රව්‍ය මුසු වී ඇත්දැයි සොයා බැලීමට දකුණු කොරියාව විසින් වායුගෝලයේ සහ මුහුදූ ජලයේ සාම්පල පරීක්ෂණ වලට භාජනය කිරීම ආරම්භ කරනු ලැබ තිබේ.

පරිසරයට සිදු වී ඇති හානිය මන බැලීමට මෙන්ම උතුරු කොරියාව විසින් අත්හදා බලනු ලැබ තිබෙන්නේ කුමන වර්ගයේ න්‍යෂ්ඨික මිසයිලයක්ද යන්න පිළිබඳ තොරතුරු අනාවරණය කර ගැනීමටත් මෙමගින් අවස්ථාව ලැබෙනු ඇති බවයි පැවසෙන්නේ.

මේ පුවතට සම්බන්ධ තවත් විස්තර