සමරිසි කසාදයට එරෙහිව තායිවානයේ උද්ඝෝෂණ

  • 2016 දෙසැම්බර් 26
Image copyright CNA

සමරිසි විවාහ නීතිගත කිරීමේ පනත් කෙටුම්පත සැලකිල්ලට ගැනීමට තීරණය කළ තායිවාන පාර්ලිමේන්තුවට විරෝධය පළ කරමින් තායිපෙයි අගනුවර දහස් ගණන් විරෝධතාකරුවෝ වීදි බසිති.

තායිවාන පාර්ලිමේන්තු ගොඩනැගිල්ල තුළට බලහත්කාරයෙන් ඇතුළු වීමට තැත් කළ විරෝධතාකරුවෝ සහ පොලිසිය අතර ගැටුම් හට ගත් බව වාර්තා වේ.

Image copyright AFP

එළඹෙන වසරේ මෙම කෙටුම්පතට පාර්ලිමේන්තු අනුමැතිය හිමි වුවොත් ආසියාවේ සමරිසි විවාහ නීතිගත කළ පළමු රට වන්නේ තායිවානයයි.

කෙසේ වෙතත් පළ වන අනාවැකි වලට අනුව පාර්ලිමේන්තුවේ 60% පමණ ප්‍රතිශතයක් පනතට විරෝධය පළ කරනු ඇති බවටයි විශ්වාස කෙරෙන්නේ.