කාශ්මීරයේ වෙඩි හුවමාරුවක්

Image copyright EPA

ඉන්දීය පාලිත කාශ්මීරයේ ගම්මානයකදී හමුදාව සහ කැරලිකරුවන් අතර හටගත් දීර්ඝ වෙඩි හුවමාරුවකදී ආරක්ෂක හමුදා භටයන් දෙදෙනකු සහ කැරලිකරුවන් සිව්දෙනකු මරුමුවට පත් වූ බව ඉන්දීය පොලිසිය පවසයි.

කැරලිකරුවන් බවට සැකකෙරෙන පුද්ගලයන් සොයමින් ආරක්ෂක හමුදා භටයන් කුල්ගාම් දිස්ත්‍රික්කයේ ගමකට ඇතුල් වූ අවස්ථාවේ ගැටුම හටගෙන තිබේ.

ගතව ගිය වසර ඇතුලත ජම්මු සහ කාශ්මීර කලාපයේ කැරලිකරුවන්ගේ ප්‍රහාර උත්සන්න විය.

පසුගිය සැප්තැම්බර් මාසයේ ඉන්දීය පාලිත කාශ්මීරයේ හමුදා කඳවුරකට එල්ල වූ ප්‍රහාරයලින් හමුදා භටයන් දහඅට දෙනකු මරුමුවට පත්විය.

එම ප්‍රහාරයට සම්බන්ධ බවට ඉන්දියාව එල්ල කළ චෝදනාව පාකිස්ථානය ප්‍රතික්ෂේප කළේය.

සබැඳි විෂයයන්