නයිජීරියාව: ක්‍රිස්තියානි බැතිමතුන්ගේ හිස ගසා මරා දමන IS වීඩියෝ පටයක්

Image copyright AFP

නයිජීරියාවේ ක්‍රිස්තියානි බැතිමතුන් එකොළොස් දෙනෙකුගේ හිස ගසා මරා දමනු ලබන ආකාරය දැක්වෙන වීඩියෝ පටයක් IS ඉස්ලාමීය රාජ්‍යය ප්‍රහාරකයන් විසින් නිකුත් කරනු ලැබ තිබේ.

ඇමෙරිකානු ප්‍රහාරයකින් සිය සංවිධානයේ නායක අබු බාකර් අල් බග්දාදි පසුගිය ඔක්තෝම්බර් මාසයේ සිරියාවේ දී මරා දමනු ලැබීම සම්බන්ධයෙන් පලි ගැනීමක් හැටියට ප්‍රකාශිත ව්‍යාපාරයේ කොටසක් ලෙස එම කිතුනුවන් ඝාතනය කළ බව IS ප්‍රහාරකයෝ පවසති.

මරා දමා ඇති එකොළොස් දෙනාම පුරුෂයන් වන අතර, ඔවුන් ගැන වැඩි විස්තර හෙළිදරවු කර නැත.

ඊශාන දිග නයිජීරියාවේ 'බෝනෝ' ප්‍රාන්තයේ දී එම කිතුනුවන් අල්ලා ගත් බවත් IS ව්‍යාපාරය පවසයි.

IS සංවිධානයේ "පුවත් ඒජන්සිය" වන 'අමාක්' (Amaq) විසින් නත්තල් උත්සව උදාවත් සමඟ නිකුත් කරනු ලැබ තිබෙන එම වීඩියෝ පටය තත්පර පනස් හයක කාලයක් දිවෙන්නකි.

මෙම වීඩියෝ පටය සම්බන්ධයෙන් නයිජීරියාවේ ආණ්ඩුව හෝ "බටහිර අප්‍රිකානු ප්‍රාන්තයේ ඉස්ලාමීය රාජ්‍යය" ("Islamic State West Africa Province") සංවිධානය විසින් සිය සේවකයන් ප්‍රාණ ඇපයට ගනු ලැබ තිබෙන ආධාර සංවිධාන හෝ මෙතෙක් කිසිදු ප්‍රතිචාරයක් පළ කොට නැත.

Image copyright AFP
Image caption අබු බකර් අල් - බග්දාදි

වීඩියෝ පටයේ දැක්වෙන්නේ කුමක්ද ?

වීඩියෝ පටය පටිගත කරනු ලැබ තිබෙන්නේ හඳුනා නොගත් ප්‍රදේශයක එළිමහනේය.

එහි මැද සිටින පුද්ගලයෙකුට වෙඩි තබනු ලබන අතර, අනෙක් දස දෙනා පොළොවට තල්ලු කොට හිස ගසා දමනු ලබන ආකාරය එහි දැක්වේ.

"අපි ඔවුන්ව මැරුවේ අබු බකර් අල් බග්දාදි සහ අබුල් හසන් අල් මුහජිර් (අයි එස් ප්‍රකාශක) අපේ නායකයන් දෙදෙනා මරා දැම්මට පලි ගන්න," යනුවෙන් අයි එස් සංවිධානයේ මාධ්‍ය කණ්ඩායමේ සාමාජිකයකු සඳහන් කළ බව මාධ්‍යවේදී අහ්මඩ් සල්කිඩා පවසයි.

මෙම වීඩියෝ පටය මුලින්ම ඒවා තිබුණේ ඔහුටය.

තවත් ප්‍රාණ ඇපකරුවෝ

'අබුජා' නුවර සිටින බීබීසී වාර්තාකරු ඉෂාක් ඛලිඩ් පවසන්නේ "බටහිර අප්‍රිකානු ප්‍රාන්තයේ ඉස්ලාමීය රාජ්‍යය" සංවිධානයේ කෘර ක්‍රියාදාමය මේ වීඩියෝ පටය යළිත් වරක් හුවා දැක්වෙන බවය.

විශේෂයෙන්ම නයිජීරියාවේ ක්‍රිස්තියානි භක්තිකයන් සහ මුස්ලිම් ජනතාව අතර ගැටුම උත්සන්න කිරීම මෙහි අරමුණ විය හැකි බව ද වාර්තාකරු සඳහන් කරයි.

එමෙන්ම සිය ඉල්ලීම් දිනාගැනීම පිණිස ආණ්ඩුවට බලපෑම් කිරීම එහි තවත් අරමුණක් විය හැකි බව ආරක්ෂක කටයුතු විශ්ලේෂක කබිරු අඩමු (Kabiru Adamu) පවසයි.

කියවන්න: