ඉරාකය, ඇමෙරිකානු හමුදා පිටමං කිරීමේ යෝජනාවක් සම්මත කරයි

Image copyright EPA
Image caption ජනරාල් සුලෙයිමානි දේහය රැගත්අවමඟුල් පෙරහැරක්.

සියරටේ රැඳී සිටින විදේශ හමුදා ඉවත්ව යායුතු බව පැවසෙන යෝජනාවක් ඉරාක පාර්ලිමේන්තුවේ මන්ත්‍රීවරුන් විසින් සම්මත කරනු ලැබීය.

එම යෝජනාව සම්මත කරන ලද්දේ, ඉරානයේ හමුදා ප්‍රධානියෙකු වූ ජනරාල් කාසෙම් සුලෙයිමානි(Qasem Soleimani ) පසුගිය සිකුරාදා 'බැග්ඩෑඩ්' ජාත්‍යන්තර ගුවන් තොටුපොළට ළඟා වූ අවස්ථාවේ එල්ල කරන ලද මිසයිල ප්‍රහාරයකින් මරා දැමීමෙන් පසුවය. ජනාධිපති ඩොනල්ඩ් ට්‍රම්ප්ගේ නියෝගයක් පරිදි නියමුවන් නොමැති යානයක් යොදා ගනිමින් එම ප්‍රහාරය එල්ල කර තිබිණි.

Image copyright EPA
Image caption ජනරාල් කාසෙම් සුලෙයිමානි ඉලක්ක කරගත් ඇමෙරිකානු මිසයිල ප්‍රහාරයෙන් පසු බැග්ඩෑඩ් අන්තර්ජාතික ගුවන් තොටුපොළ දර්ශනයක්

විදේශීය හමුදා ඉරාක භූමිය, ගුවන්තලය හෝ ජල තීරය කිසිදු කාරණයක් මත භාවිතයට ගැනීම තහනම් කිරීමට පියවර ගන්නා ලෙසද මන්ත්‍රීවරුන්ගේ ඉහත කී යෝජනාව මගින් ඉල්ලා තිබේ.

Image caption 2011 වසරේ ඇමෙරිකානු හමුදා ඉරාක් භූමියෙන් නිල වශයෙන් ඉවත්වූ අවස්ථාව

ඇමෙරිකානු යුද භටයන් පන්දහසක් පමණ ඉරාකයේ රඳවා ඇත. ඔවුන්ගෙන් වැඩිදෙනා යුද උපදේශකයෝ වෙති.

අසල්වැසි ඉරානයේ හා ඇමෙරිකාවේ මිත්‍ර පාර්ශ්වයක් වශයෙන් තමන් දුෂ්කර අවස්ථාවකට පත්ව ඇති බව ඉරාකයේ අදහසය. දහස් ගණනක ඇමෙරිකානු හමුදාවක් ඉරාක භූමියේ සිටිනුයේ සුන්නි මුස්ලිම් ඉස්ලාමීය රාජ්‍ය (අයිඑස්) සංවිධානය සමග ඇති දේශ සීමා අරගලය වෙනුවෙන් සහය දීම වෙනුවෙනි.

නමුත්, ඇමෙරිකාව ඉරාන ජෙනරාල්වරයා ඝාතනය කිරීම ඉරාකය විසින් සළකනුයේ සිය ස්වෛරී බව සේම ඉරාකය තුළ සන්ධානගතව සිටීමේ කොන්දේසි උල්ලංඝණය කිරීමක් ලෙසිනි.

කියවන්න;