පාකිස්තාන් දැරිය වෙනුවෙන් දහස් ගණනක් ජනතා පණිවුඩ

අවසාන යාවත්කාලීන කිරීම :  2012 ඔක්තෝබර් 10 බදාදා - 15:42 GMT
 මලාලා යූසුෆ්ෂායි වෙනුවෙන්

මලාලා යූසුෆ්ෂායි වෙනුවෙන් සහයෝගය පළ කරමින්

ගැහැණු දරුවන්ගේ අධ්‍යාපන අයිතිය වෙනුවෙන් පෙනී සිටි දාහතර හැවිරිදි පාසල් දැරියකට පසුගිය අඟහරුවාදා වෙඩි තබනු ලැබීම,පාකිස්තාන් යුද හමුදාපති ජනරාල් අෂ්ෆාක් කයානිගේ හෙළා දැකීමට ලක් විය.

ජනරාල් කයානි කියා සිටියේ, පාකිස්තාන් යුද හමුදාව ත්‍රස්තවාදීන් ඉදිරියේ හිස නමන්නේ නැති බවයි.

වෙඩි ප්‍රහාරයකට ගොදුරු වූ මලාලා යූසුෆ්ෂායි නම් පාසල් දැරිය පෙෂවෝර් නගරයේ රෝහලක ප්‍රතිකාර ලබමින් සිටින අතර , ජනරාල් කයානි එම රෝහලට ගොස් දැරියගේ සුව දුක් විමසා තිබුනි.

රෝහල් වෛද්‍ය කාර්ය මණ්ඩලය දැරියගේ හිසෙන් පතරොමක උණ්ඩයක් ඉවත් කිරීමට සමත් වූ බවයි වාර්තා වන්නේ.

පාසල් දැරියට වෙඩි තැබීමේ වගකීම තාලිබාන් ව්‍යාපාරය විසින් භාර ගෙන ඇත.

පාකිස්තානයේ ස්වාත් පළාත තාලිබාන් ව්‍යාපාරය අත පවතිද්දී මලාලා යූසුෆ්ෂායි පාසල් දැරිය මෙයින් අවුරුදු තුනකට පෙර බී බී සී ය වෙනුවෙන් පෞද්ගලික දින සටහන් රචනා කිරීමක් කළාය.

වෙඩි තැබීමට ලක් වූ දැරිය වෙනුවෙන් සහයෝගය පළ කරමින් දහස් ගණනක් ජනතාව පණිවුඩ එවා තිබේ.

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.