හෘදයවස්තුවක් නැතිව ජීවත් වූ රෝගියා මියයයි

අවසාන යාවත්කාලීන කිරීම :  2012 ඔක්තෝබර් 17 බදාදා - 16:50 GMT
ජාකුබ් හලික්

ජාකුබ් හලික්

පුරා මාස හයක් හෘදයවස්තුවක් නැතිව ජීවත් වූ මිනිසෙක් මියගිය බව චෙක් ජනරජයේ වෛද්‍ය විශේෂඥයන් විසින් අනාවරණය කළහ.

කලින් ගිනි නිවන හමුදාවේ භටයෙක් හැටියට සේවය කළ ජාකුබ් හලික් නම් රෝගියා, පිළිකා රෝගයට ප්‍රතිකාර ලබමින් සිටියදී, ඔහුගේ හෘදයවස්තුව ඉවත් කරනු ලැබ සිටි බවයි ප්‍රකාශ කළේ.

වෙනත් අයකුගෙන් ලබාගත් හදවතක් බද්ධ කිරීමට පියවර ගන්නා තෙක් ජාකුබ් හලික්ට කෘත්‍රිම බට දෙකක් සවිකර තිබුන බවයි වෛද්‍ය විශේෂඥයන් පවසන්නේ.

එහෙත් එම කාලය ඇතුළත රෝගියා කෙටි දුරක් ඇවිදීමට පමණක් නොව රෝහලේ ශාරීරික ව්‍යායාම වලටත් සහභාගී වුන බව වෛද්‍ය විශේෂඥයන් ප්‍රකාශ කළහ.

හෘදය වස්තුවක් නැතිව ජීවත් වු දෙවැනි මිනිසා ජාකුබ් හලික් වන අතර මින්පෙර එවැනි තත්වයකට පත් වු රෝගියා ජීවත් වුනේ සතියක්‌ පමණි.

වැඩි දුරටත් තොරතුරු ඉදිරිපත් කළ චෙක් ජනරජයේ වෛද්‍යවරු,ජාකුබ් හලික් මිය ගියේ හෘදයවස්තුවක් නොමැතිකම නිසා නොව අක්මාව අක්‍රියවීම නිසා යයි ද සඳහන් කළහ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.