තරුණිය දූෂණය කොට මරා දැමීම සම්බන්ධයෙන් පස් දෙනකුට නඩු

අවසාන යාවත්කාලීන කිරීම :  2013 ජනවාරි 3 බ්‍රහස්පතින්දා - 17:29 GMT

ඉන්දියාව පුරා උද්ඝෝෂණ වලට තුඩු දෙමින්, ඉකුත් මාසයේ තරුණියක් බස් රියකදී දූෂණය කොට මරා දැමීම සම්බන්ධයෙන් පොලිසිය පස් දෙනකුට එරෙහිව නඩු පවරා ඇත.

අත් අඩංගුවේ පසුවන චුදිතයන්ගේ ආරක්ෂාව සදහා ඔවුන් අධිකරණය හමුවට ඉදිරිපත් නොකිරීමට බලධාරීන් තීරණය කර තිබිණ.

එහෙත් මෙම නඩුවේදී වරද කරුවන් වුවහොත් ඔවුනට මරණීය දණ්ඩනය ට මුහුණ දීමට සිදුවනු ඇත.

තවත් චුදිතයකුගේ වයස වෛද්‍ය පරීක්ෂණයකින් සහතික කර ගන්නා තුරු ඔහුට එරෙහිව නඩු පැවරීම කල් දැමීමට තීරණය කර ඇති බව ඉන්දීය පොලීසිය ප්‍රකාශ කර තිබේ.

මේ සති අගදී සාක්ෂි විමසීම අරඹන නඩු විභාගය සීග්‍රගාමීව සිදු කිරීමට අධිකරණ බලධාරීන් තීරණය කර ඇත.

කාන්තාවන්ට එරෙහි ලිංගික අඩන්තේට්ටම් වලට බොහෝ විට දඬුවම් නොකැරෙන ඉන්දියාවේ තරුණ වෛද්‍ය ශිෂ්‍යාවට එරෙහි මෙම ප්‍රහාරය, රට තුළ මෙන්ම විදේශයන්හි කෝපාන්විත ප්‍රතිචාර වලට මඟ පෑදූ සිද්ධියක් බවට පත් විය.

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.