වෙනිසියුලාවේ වැඩ බලන ජනාධිපති නිකොලස් මදුරෝ කඩිනමින් ජනාධිපතිවරණයක් කැඳවයි

අවසාන යාවත්කාලීන කිරීම :  2013 මාර්තු 9 සෙනසුරාදා - 19:01 GMT

වෙනිසියුලාවේ වැඩ බලන ජනාධිපති, නිකොලස් මදුරෝ,( Nicolas Maduro) කඩිනමින් ජනාධිපතිවරණයක් කැඳවන මෙන් මැතිවරණ බලධාරීන්ට දැනුම් දෙයි.

අභාවප්‍රාප්ත ජනාධිපති හියුගෝ චාවෙෂ්ගේ ඉතා දැඩි සංවේගාත්මක අවමඟුල් උළෙලින් පසුවයි, නිකොලස් මදුරෝ වැඩ බලන ජනාධිපතිවරයා හැටියට දිව්රුම් දෙනු ලැබුවේ.

ඉන් අනතුරුව ඉතා දීර්ඝ කතාවක් කළ ජනාධිපති මදුරෝ, හියුගෝ චාවෙෂ්ගේ පිළිවෙත දිගටම පෙරට ගෙන යන බවට ප්‍රතිඥාවක් දුන්නේය.

එහෙත් වෙනිසියුලානු විපක්ෂයේ බොහෝ නියෝජිතයෝ එම අවස්ථාව වර්ජනය කළහ.

ඔවුන් කියා සිටින්නේ, ආණ්ඩුක්‍රම ව්‍යවස්ථාව පරිදි වැඩබලන ජනාධිපති පදවිය ජාතික ව්‍යවස්ථාදායක මණ්ඩලයේ කතානායකවරයා විසින් දැරිය යුතු බවයි.

විපක්ෂ නායක හෙන්රික් කැප්රිල්ස් (Henrique Capriles) ප්‍රකාශයක් කරමින්, වෙනිසියුලානු ජනතාව නිකොලස් මදුරෝට ඡන්දය දී නැති බව සඳහන් කළේය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.