අද, සිකුරාදාත් ගුවන් යානය පිළිබඳව කිසිදු ලකුණක් නෑ

Image copyright

ඉන්දීය සාගරයේ දකුණු කලාපයේ අද, සිකුරාදා දෙවැනි දිනයේත් කළ සෝදිසි මෙහෙයුම්වලින් අතුරුදහන් වූ MH370 මැලේසියානු ගුවන් යානය පිළිබඳව කිසිදු ලකුණක් සොයා ගැනීමට නොහැකි වී තිබේ.

යානය අතුරුදහන් වී අදට සති දෙකක් ඉක්මවා ගොස් ඇත.

දැනට යානය සෙවීමේ කටයුතු සිදු කෙරෙන ප්‍රදේශය මිහි මත ඇති ලඟා වීමට අතිශය දුෂ්කර ස්ථානයක් ලෙසයි ඕස්ට්‍රේලියානු අගමැති ටෝනි ඇබට් කියා සිටියේ.

එසේ නමුත්, ගුවන් යානයේ කඩා වැටුණු කොටස් ඇත්නම් ඒවා සොයා ගන්නා බවට ඔහු පොරොන්දුවක් දුන්නේය.

චීනය යානය සෙවීමේ මෙහෙයුම් වලට නෞකාවන් කිහිපයක්ම යොදවා තිබේ.

අතුරුදහන් වූ යානයේ චීන ජාතිකයන් එක සිය පනස් දෙනෙක් ගමන් කරමින් සිටියහ