මැලේසියානු යානය: 'හෝඩුවාවකට ඩොලර් මිලියන පහක්'

Image copyright Getty
Image caption ඉන්දීය සාගරයට කඩා වැටෙන්නට ඇති බවට විශ්වාස කෙරුණත් යානයේ සුන් බුන් සොයා ගැනීමට හැකි වී නැත

අතුරුදහන් වූ මැලේසියානු ගුවන් යානය පිළිබඳව හෝඩුවාවක් ලබා දෙන අයෙකුට ත්‍යාගයක් ලෙස ප්‍රදානය කිරීමට ඩොලර් මිලියන පහක් රැස් කිරීම සඳහා යානයේ සිටි මගීන්ගේ ඥාතීන් පියවර ගෙන තිබේ.

යානයට සිදු වූ දේ පිළිබඳව යම් කෙනෙකු දැන ගෙන සිටින නමුත් එය මෙතෙක් හෙළි දරව් කර නැති බවට අතුරුදහන් වූ මගීන්ගේ ඥාතීහූ විශ්වාස කරති.

අන්තර්ජාල වෙබ් අඩවියක් හරහා ඉහත කී ත්‍යාග මුදල රැස් කර ගැනීමට ඔවුහූ කටයුතු කරමින් සිටිති.

මැලේසියාවේ සිට චීනයේ බේජිං අගනුවර කරා පියාසර කරමින් තිබියදී, MH 370 මැලේසියානු ගුවන් යානය අතුරුදහන් වුණේ මගීන් 239 දෙනකුත් සමඟයි.

යානය ඉහළට නැංවීමෙන් අනතුරුව ඉන්දීය සාගරයට කඩා වැටෙන්නට ඇති බවට විශ්වාස කෙරුණත් මේ දක්වා කරන ලද සෝදිසි මෙහෙයුම් වලින් යානයේ සුන් බුන් සොයා ගැනීමට හැකි වී නැත.

මේ පුවතට සම්බන්ධ තවත් විස්තර