බුරුම මාධ්‍යවේදීන් පස් දෙනෙක් සිර ගෙට

Image caption සිර දඬුවම් නියම වූ බුරුම මාධ්‍යවේදීන්

රහසිගත හමුදා රසායනික අවි කම්හලක් සම්බන්ධයෙන් පළ කළ ලිපියක් හේතුවෙන් බුරුම අධිකරණයක් විසින් මාධ්‍යවේදීන් පස් දෙනෙකුට බරපතළ වැඩ සහිත වසර දහයක සිර දඬුවමක් නියම කෙරිණ.

බලධාරීන් මෙවැනි කම්හලක් පවතින බව පිළිගැනීම ප්‍රතික්ෂේප කර ඇති නමුත් මාධ්‍යවේදීන්ට චෝදනා එල්ල කර ඇත්තේ රාජ්‍ය රහස්‍ය බව සුරැකීමේ පනත කඩ කර ඇති බවටයි.

‘යුනිටි වීක්ලි’ පුවත් සඟරාවේ සේවය කළ සිර දඬුවමට නියම වූ මාධ්‍යවේදීන් අතර සඟරාවේ ප්‍රධාන විධායක වරයාද වෙයි.

2011 සිට බුරුම රජය පුළුල් දේශපාලන ප්‍රතිසංස්කරණ හඳුන්වා දී ඇති නමුත් සමහරුන්ගේ අදහස මෑතක සිට රජය නිදහස් මාධ්‍යය යටපත් කිරෙමට උත්සාහ දරණ බවයි.

මේ පුවතට සම්බන්ධ තවත් විස්තර