ජොර්ජ් කුමරු පසුපස පැපරාසි

Image copyright pa

බ්‍රිතාන්‍ය ඔටුන්න හිමි විලියම් කුමරාගේ සහ කේම්බ්‍රිජ් ආර්යාවගේ පුත් ජොර්ජ් කුමරුන්ගේ ඡායාරූප ගන්නා පැපරාසියකු එම යුවලගේ නීතිවේදීන් අනතුරු ඇඟවීමක් කර තිබේ.

නීතිවේදීන් පවසන්නේ කුමරුන්ගේ ඡායාරූප ගැනීම නතර නොකලොත් ඔහුට එරෙහිව නීතිමය පියවර ගන්නා බවයි.

Image copyright PAjohnstillwell

සිය පුත් කුමරාට සාමාන්‍ය ළමයකු හැටියට ජීවත් වීමට ඉඩ සලසන ලෙසයි රාජකීය යුවල ඉල්ලා සිටින්නේ.

ජෝර්ජ් කුමරු ඔටුන්නට හිමිකම් කියන පෙළපතේ තුන්වැන්නා වන නමුත් උයනට ගොස් සෙසු ළමුන් සමග ක්‍රීඩා කිරීමේ නිදහස බිලිඳු කුමරාට තිබිය යුතු බවයි රජ පවුලේ නිලධාරීන් පවසන්නේ.

මේ වන විට ලොව පුරා අවසරයකින් තොරව ගනු ලැබූ ජොර්ජ් කුමරුන්ගේ ඡායාරූප මිලදී ගැනීමට වෙළඳපොළක් බිහිවී ඇති බවයි වාර්තා වන්නේ.

මේ පුවතට සම්බන්ධ තවත් විස්තර