ඔබාමා ඉන්දීය ජාතික උත්සවයට සහභාගී වෙයි

Image copyright AFP

ඇමරිකානු ජනාධිපති බරක් ඔබාමා ඉන්දීය ජාතික උත්සවයට සහභාගී වෙමින් සිටියි.

එක්සත් ජනපද ජනාධිපතිවරයෙකු ඉන්දීය ජාතික උත්සවයට සහභාගී වූ ප්‍රථම අවස්ථාව මෙයයි.

ජාතික උත්සවය සැමරීම සඳහා පැවති හමුදා සංදර්ශනයේ ප්‍රධාන ආරාධිතයා වූ ඇමරිකානු ජනපති බරක් ඔබාමා පිළිගනු ලැබුවේ ඉන්දීය අගමැති නරේන්ද්‍ර මෝදි විසින්.

මද වැසි සහිත කාලගුණය නොසලකා උත්සවය නැරඹීම සඳහා විශාල ජනකායක් පැමිණ සිටියහ.

Image copyright AFP
Image copyright AFP

ඇමරිකානු ජනාධිපතිවරයා ඉන්දීය ජාතික උත්සවයට සහභාගී වීමත් සමග දෙරටේ නායකයන් අතර පවතින සමීප සබඳතා තවදුරටත් වර්ධනය වන බවක් දක්නට ලැබේ.

ඉන්දියාව සහ එක්සත් ජනපදය අතර න්‍යෂ්ටික බල ශක්ති සහයෝගීතාවයක් ඇති කර ගැනීම සඳහා එකඟතාවකට පැමිණි බව දෙරටේ නායකයෝ ඉරිදා නිවේදනය කළහ.

කාලාන්තරයක් මුළුල්ලේ කල් යමින් පැවති එම බලාපොරොත්තුව සඵල වූ බව ජනාධිපති ඔබාමා සහ අගමැති මෝදි නිවේදනය කළේ මාධ්‍ය හමුවක් අමතමින්.

Image copyright AFP

ඊට අමතරව දෙරටේ ආරක්ෂාව පිළිබඳ නව ව්‍යාපෘති ඇති කර ගැනීමටත් ද්විපාර්ශ්වීය වෙළඳ සහයෝගිතාව වර්ධනය කර ගැනීමටත් ගිවිස ගත් බව දිල්ලි අගනුවර පැවති මාධ්‍ය හමුවක් අමතමින් ජනාධිපති ඔබාමා සහ අගමැති මෝදි පැවසූහ.

මේ පුවතට සම්බන්ධ තවත් විස්තර