අසභ්‍ය ලිංගික වීඩියෝ නැරඹූ නඩුකාරයන් ඉවතට

සිය රාජකාරි සඳහා ලබා දී ඇති පරිගණක භාවිතා කර කාර්යාලය තුළදී අසභ්‍ය ලිංගික දර්ශන ඇතුළත් වීඩියෝ පට නැරඹූ බ්‍රිතාන්‍යයේ අධිකරණ විනිසුරුවරුන් තිදෙනෙකු සේවයෙන් පහ කරයි.

සමාන චෝදනා ලැබ සිටි සිව් වන අධිකරණ විනිසුරුවරයා ඒ සම්බන්ධයෙන් පැවති නිල පරීක්ෂණය අවසාන වීමට පෙර සිය කැමැත්තෙන් සේවයෙන් ඉවත් වී තිබේ.

සේවයෙන් පහ කරනු ලැබූ අධිකරණ විනිසුරුවරුන්ගේ ක්‍රියාකලාපය කිසිසේත් අනුමත කළ නොහැකි බව පරීක්ෂණ පැවැත් වූ බලධාරීහු ප්‍රකාශ කළහ.

ඔවුන් වැඩිදුරටත් කියා සිටියේ රාජකාරිය සඳහා ලබා දී ඇති උපකරණ අයතා ලෙස පරිහරණය කිරීම සමාව දිය නොහැකි වරදක් බවයි.

මේ පුවතට සම්බන්ධ තවත් විස්තර