Tirada Falastiiniyiinta lagu dilay mudaharaadadii Qasa oo la shaaciyey

. Lahaanshaha sawirka AFP
Image caption .

Wasaaradda caafimaadka ee Falastiiniyiinta ayaa haatan sheegtay in toban qof ku dhinteen mudaharaadadii ka dhacay Jimcihii xadka Qasa iyo Israel.

Af-hayeen wasaaradda u hadlay ayaa sheegay in sawir qaade muuqaalo ka soo tabinayey bannaan baxyadu uu ka mid ahaa dadkaa la dilay.

Ciidanka Israel ayaa ku adkaysanaya in ay rasaasta ku rideen dadka mudaharaadayey ee goobaha difaacooda soo beegsaday oo keliya.

Banaanbaxyadan Falastiiniyiintu dhigayeen waxay ku dalbanayeen in ay ku noqdaan dhulkii awowyaashood, oo haatan ah Israel.

Hase yeeshee af-hayeen u hadlay Israel ayaa ku eedeeyey ururka mitidka ah ee Xamaas in uu ku tirtirsiyey rayidka Qasa in ay isku qaadaan xadka oo ay laayaan Israeli-yiinta.

Mowduucyada la xiriira