Trump oo cambaareyay weerarka loo adeegsaday kiimikada ee ka dhacay Suuriya

Madaxweynaha Mareykanka Donald Trump Lahaanshaha sawirka Reuters
Image caption Madaxweynaha Mareykanka Donald Trump

Madaxweyne Trump ayaa hormuud ka noqday Cambaarayn caalmi ah oo loo jeediyey weerarka looga shakisan yahay in loo adeegsaday hubka kiimikada ah ee ka dhacay dalka Suuriya.

Weerarkaasi ayaa waxaa ku dhimatay tobonaan rayid ah kaas oo ka dhacay deegaanka ay fallaagadu gacanta ku hayaan ee bariga Chouta.

Mr Trump qoraal uu soo dhigay bartiisa twitter-ka ayaa weerarkan ku eedeeyay dowladda Suuriya, isagoo sidoo kale ku dhaliilay Ruushka iyo Iiraan in ay taageerayaan Madaxweyne Assad.

Pop Francis ayaa sidoo kale cambaareeyey weerarka. Waxuuna sheegay in ay tahay wax aan la aqbali Karin in la adeegsado hubka wax gumaada. Dawladda Suuriya iyo Ruushka oo taageera ayaa labaduba beeniyey eedaymahaan.

Dankalana Wasaaradda Arrimaha Dibadda ee waddanka Mareykanka ayaa waxa ay sheegtay inay si dhaw ula socoto waxa ay ku tilmaantay "warar murugo leh", iyadoo sheegtay in Ruushka oo ka garab dagaalamaya ciidammada dowladda Suuriya, uu qaadi doono mas'uuliyadda haddii weerrarkaasi lagu adeegsaday hubka kiimikada ah ee sida daran wax u laaya.

Weerrarka ayaa inay gaysteen waxaa lagu eedeeyay diyaarado nooca qummaatiga u kaca ah oo la sheegay in magaalada ku duqeeyeen barmiillo ay ku jiraan sunta sarin.

Mowduucyada la xiriira