Pittsburgh: Waxaa ka dhacay weerar dad badan ay ku dhinteen

Booliska oo isku gadaamay goobta uu weerarka ka dhacay Lahaanshaha sawirka Reuters
Image caption Booliska oo isku gadaamay goobta uu weerarka ka dhacay

Waxaa magaalada Pittsburgh ee dalka Mareykanka lagu dilay 11 qof kaddib markii qof hubaysan uu rasaas ku furay macbad Yuhuudda ay ku cibaadeysato oo halkaasi ku yaalla.

Madaxweynaha Mareykanka Donald Trump ayaa sheegay in dad badan ay ku dhinteen kuwa kalena ay ku dhaawacmeen werarkan oo uu ku tilmaamay mid si naxariis darro ah oo aan kala sooc lahayn loo fuliyay.

Ninka weerarkani geystay ee looga shakisanyahay ayaa lagu magacaaba Robert Bowers oo 46 sano jir ah, hada waa dhaawac oo waxaa lagu dabiibayaa isbitaal halkaasi ku yaalla, sida ay booliska xaqiijiyeen.

Boqolaal dad ah oo ka kala yimid magaalada Pittsburgh iyo magaalooyinka u dhowba ayaa isku yimid si ay ugu duceeyaan dadkii ku dhintay weraarkaasi.

Sophia Levin, oo ka soo jeeda Pttispurgh ayaa BBC u sheegtay in dadka ay aad uga caroodeen dhacdadani balse ay hadda u muuqato inay doonayaan in arrintan loo wajaho si wada jir ah.

Mareykanka iyo UK oo qaadacay shir maalgashi oo uu Sacuudiga martigalinayo

Gabadh Soomaali ah oo lagu takooray ku hadalka luuqaddeeda hooyo

Madaxweynaha Mareykanka ayaa sheegay in uu booqan doono magaladaasi ka dib markii uu dhacay weerarkan ay ku dhinteen 11-ka qof.

Waxay ahayd maalinta ugu mashquulka badan ee dadka Yahuudda ah ee magaaladaasi ku nool, wa ay cibaadeysaneyeen waxayna qabeen xaflad ay ugu magac bixinayeen canug yar.

Lahaanshaha sawirka AFP/GETTY IMAGES
Image caption Ninka looga shakinsan yahay inuu fuliyay weerarka lagu qaaday macbadka

Sida wararka ay sheegayaan, ninka lagu tuhunsanyahay inu weerarka geeystay oo ah nin cadaan ah ayaa ku dhawaaqaayay hadallo Yahuud naceyb ay ka muuuqato.

Raii'sul wasaraha dalka Israel Benjamin Netanyahu, oo ka mid ah hogaamiyeyaasha ka hadlay weerarkan ayaa sheegay inuu aad u niyad jabay aadna uga murugooday arrintan.

Muqaal laga soo duubay ayuu ku sheegay Mr Netanyahu in murugada uu la qeybsanaayo dadka Amerikanka ahi.

Sidoo kale, Raii'sul wasaaraha dalka UK Theresa May waxay sheegtay in ay aad uga naxday weerarkan lagu tilmaamay inuu salka ku haayo dambiyada naceybka ku saleysan.

Raisul wasaaraha Canadan wuxuu sheegay in dadkiisa ay murugada la qeybsanayaan Yahuuda Pittsburgh.

Mowduucyada la xiriira