Qalabkan aad haysato kuma ciyaari kartid maqalkan iyo muuqaalkan

Ethiopia iyo ONLF oo heshiinaya

Image caption Qaar ka mid ah dagaal-yahanniinta ONLF

Wada hadalo nabadeed ayaa dhexmaraya dowladda Ethiopia iyo jabhadda mucaaradka ee ONLF, oo muddo soddon sano ku dhaw ka dagaallamaysay gobolka Soomaalida Ethiopia ee Ogaden.

Wada hadalka oo toddobaadkan horraantiisi lagu qabtay magaalada Nairobi ee xarunta dalka Kenya - ayaa waxa fududeeyay dowladda Kenya.

Haddaba, waxaa Istuudiyaha BBC ee magaaladan London, maanta nagu soo maray, Xoghayaha Arrimaha Dibadda ee Jabhada ONLF oo magiciisa la yiraaho, Cabdiraxmaan Maxamed Shiikh Mahdi oo aanu ka waraysanay wada-hadaladaas.

Waxa uu sheegay in wada hadalku aanu ahayn mid qarsoodi ah.

ONLF ayaa dhawr weerar qaaday sanadihii dhowaa, oo ku jiray mid ay ku qaadday meel gaaska dabiiciga laga soo saaro sanadkii 2007, halkaasi oo tobanaan Ethiopian ah iyo Shiine lagu dilay.

Gobolka Ogaden ayaa waxa intiisa badan deggan dadka Soomaalida.