Weeraro ismiidaamin ah oo lagu qaaday Masaajidyo ku yaalla Afqaanistaan

Ciidamada ammaanka Lahaanshaha sawirka Reuters
Image caption Ciidamada ammaanka

Saraakiisha dalka Afqanistan ayaa waxay sheegeen in 60 qof lagu dilay laba weerar oo ismiidaamin ah oo lagu qaaday Masaajidyo.

Weerarka kowaad ayaa lagu qaaday Masaajid ay leeyihiin Shiicada oo ku yaalla magaalada Kabul .

Weerarkan ayaa waxa ku naf waayay ku dhawaad 40 qof oo ay ku jiraan haween iyo caruur.

Dhanka kale weerar bambaano ayaa lala bartilmaameedsaday Masaajid ku yaalla gobolka Ghor,.

Weerarkan waxaa ku dhintay abaanduule maleeshiyaad gacan saar la leh dowladda iyo 19 qof oo kale.

Tirada ku dhimatay labada weerar ayaa laga cabsi qabaa in ay korodho.

Ilaa iyo imika ma jirto cid sheegtay masuuliyada weeraradan.

Kooxda la baxday dowladda Islamka ayaa horey weeraro ula bartilmaameedsaday goobo ay ku noolyihiin dadka Shiicada ee Afaqanistaan.