Ciidammada cirku waxay "ku guuldaraysteen" in ay gudbiyaan dambigii uu horay u galay ninka dadka ku laayay Maraykanka

Waxaa la rumaysan yahay in Kelley uu muran kala dhexeeyay xaaskiisii hore iyo xididkiisa Lahaanshaha sawirka Getty Images
Image caption Waxaa la rumaysan yahay in Kelley uu muran kala dhexeeyay xaaskiisii hore iyo xididkiisa

Ciidammada cirka ee Maraykanka ayaa sheegay in ay baarayaan waxa u muuqda in ay ku guuldaraysteen in ay xogta qaran ku daraan taariikhda dambiilenimo ee Devin Patrick oo dad ku toogtay gobolka Texas.

Kelly oo horay uga soo mid noqday ciidammada cirka ayay maxkamadda ciidanku ku heshay 2012kii in uu tacadi u gaystay qoyskiisa, waxaana laga hor istaagay in uusan yeelanin, gadaninna hub.

Laakiin sannadkii hore ayay u suurtagashay in uu gato qorigii uu Axaddii u adeegsaday weerarkii uu ku qaaday kiniisadda ku taalla San Antonio.

Wuxuu dilay 26 ruux wuxuuna ka cararay goobii. Markii dambana waxaa isagoo mayd ah laga helay gaarigiisa.

Lahaanshaha sawirka .
Image caption Johnnie Langendorff oo ah qofka labaad ee bidix ka muuqda iyo nin kale ayaa eryaday qofkii dadka toogtay iyaga oo magaalada ka saaray

Booliiska ayaa sheegay in uu u dhintay wax u muuqday xabbad uu isku dhuftay ka dib markii uu eryaday qof meesha iska taagnaa oo hubaysnaa.

War qoraal ah oo Isniintii soo baxay ayay ciidammada cirku ku sheegeen in "xogta hordhaca ah ay muujinayso tacadiga uu [Devin] Kelley ka gaystay gurigiisa aan loo gudbinin xarunta qaran ee dambiyada lagu kaydiyo.

Warar kale oo dheeraad ah oo la xiriira qodobkan