Dhulgariir naadir ah oo ku dhuftay Kuuriyada Koonfureed

Ugu yaraan 1,500 oo ruux ayaa hoy la'aan noqday Lahaanshaha sawirka EUROPEAN PHOTOPRESS AGENCY
Image caption Ugu yaraan 1,500 oo ruux ayaa hoy la'aan noqday

Dhulgariirka naadirka ah ee ku dhuftay Kuuriyada Koonfureed Arbacadii waa mid kii labaad ee ugu awoodda badnaa ee dalkaas soo mara abid, sida ay masuuliyiintu sheegeen.

Dhulgariirkan oo cabirkiisu yahay 5.4 ayaa galinkii dambe ku dhuftay magaalo xeebeedka Pohang ee ku taalla koonfurtaa-bari ee dalkaas, intaas ka dibna dhulka ayaa marar badan dhaqdhaqaaqay.

Ugu yaraan 57 ayaa ku dhaawacan tahay in kabadan 1,500 oo ruuxna hoy la'aan ayay noqdeen.

Tallaabo aan horray loo saadaalinina, wasaaradda waxbarashada ayaa dib u dhigtay imtixaankii qaran ee qorshaysnaa in ardayda laga qaado Khamiista.

Wakaaladda wararka Yonhap ee Kuuriyada Koonfureed ayaa ku warrantay in ay tahay markii koobaad ee arrin dabiici ah ay baajiso imtixaankan qaran ee ardayda iyo waalidka ay ku qaadato in ay u diyaargaroobaan billooyinka.

Lahaanshaha sawirka AFP/GETTY IMAGES
Image caption Guryo iyo gawaari badan ayaa ku burburay dhulgariirka

Dhulgariirka ayaa naadir ku ah Kuuriyada Koonfureed, waxyaabaha la xiriirana aad ayaa loola socdaa sababtoo ah waa astaanta koobaad ee muujisa in Kuuriyada Waqooyi ay samaysay tijaabo nukliyeer ah.

Sannadkii hore dhulgariir cabirkiisu ahaa 5.8 ayaa ku dhuftay magaalada u dhaw ee Geongju, laakiin burburka Arbacadii ayaa midkaas hore ka sii darnaa.

In kabadan 1,000 dhisme, guryo iyo gawaari ayaa ku burburay ama waxyeelo soo gaartay.