Hay'adda UNICEF oo ka digtay carruurta isticmaasha internetka

Caruurta isticmaasha internetka ayay tiradooda sii koradhay Lahaanshaha sawirka Getty Images
Image caption Caruurta isticmaasha internetka ayay tiradooda sii koradhay

Hay'adda dhallaanka adduunka ee UNICEF ayaa ugu baaqday shirkadaha dhanka tiknoolajiyada in ay qaadaan tallaabooyiin dheeraad ah oo da'yarta looga ilaalinayo waxyeelada internetka.

Hay'ada UNICEF ayaa sheegtay in maalin walba in ka badan 170,000 oo carruur ah ay markii ugu horeysay isticmaalaan internetka.

Warbixinta ayaa lagu sheegay in ay sare u kacday carruurta isticmaasha barahawax lagu qoro.

Hay'adda carruurta ayaa imika ku baaqaysa in sare loo qaado aqoonsiyada lagu hubiyo da'da dadka isticmaala internetka.

Warbixinta ay soo saartay UNICEF ayaa soo jeedinaysa in marka caruurta ay isticmaalayaan baraha bulshada ay shirkaduhu ay heerka ugu sareeya gaarsiiyaan ilaalinta macluumaadka gaarka ah ee carruurta.

Mowduucyada la xiriira