Golaha wakiilada Mareykanka oo ansixiyay isbadalka Canshuuraadka

Madaxwayne Donald Trump Lahaanshaha sawirka Getty Images
Image caption Madaxwayne Donald Trump

Xubnaha golaha wakiilada Mareykanka ayaa u codeeyay ansixinta isbadal asaasi ah oo lagu samaynayo nidaamka canshuuraadka dalkaasi .

Isbadalka ayaa waxa u ololeynayay madaxwayne dalka Mareykanka Donald Trump.

Xubnaha aqalka Sanetka ayaa lagu wadaa in ay iyaguna u codeeyaan hindisa sharciyeedkani isbadalka lagu sameeynayo shuruucda canshuuraha.

Haddii si rasmi ah loo wada ansixiyo hindisa sharciyeedka ayaa waxa ay noqon doontaa guushii ugu horreysay ee dhanka sharci dajinta uu ka gaaro madaxwayne Trump.

Xubnaha xisbiga Jamhuuriga ayaa waxa ay sheegeen in qorshahani oo ah isbadalkii ugu waynaa ee nidaamka canshuuraadka lagu sameeyo uu yahay mid caawinaya dadka dabaqada dhexe.

Balse Dimuqraadiyiinta ayaa dhankooda ku doodaya in isbadalkani nimaadka canshuuraadka uu yahay mid horseedaya barwaaqo.

Ra'yi uruurin la sameeyay ayaa muujinaysa in hindisa sharciyeedkani uu yahay mid aan shacbiyad badan ku lahayn gudaha Mareykanka.