Heesaaga 50 Cent oo hilmaamay malaayiin doolar oo meel u tiiley

50 Cent oo magaciisa rasmiga yahay Curtis Jackson ayaa hilmaamay malaayiin meel u tiiley Lahaanshaha sawirka Getty Images
Image caption 50 Cent oo magaciisa rasmiga yahay Curtis Jackson ayaa hilmaamay malaayiin meel u tiiley

Heesaaga caanka ah ee dalka Maraykanka ee lagu magacaabo 50 Cent ayaa sheegay in uu hilmaamay lacag $8 milyan doolar ah oo uu isaga leeyahay.

Lacagtan ayaa kasoo gashay album hees ah oo uu sameeyay 2014-tii, laguna magacaabo Animal Ambition, kaas oo uu sheegay in Aqbalayo in lagu iibsado habka loo yaqaano Bitcoin ee internetka wax looga iibsado.

Muddo kadib waxaa sanduuqiisa soo gashay 700 oo Bitcoin ah, taas oo marka lagu sarifo sicirka suuqa ee maanta noqonaysa $8 milyan oo doolar.

"Ma ahan arrin ku xun kurey ka yimid xaafadda South Side, waanan ku faraxsanahay" ayuu yiri 50 Cent oo magaciisa rasmiga yahay Curtis Jackson oo fariin ku qorey boggiisa Instagram. Curtis ayaa mar dambe ogaaday lacagta ugu keydsan meesha ee uuba iska halmaamay kal hore.

Arrintan ayaa waxa ay kusoo aadaysaa xilli dad badan oo xagga fanka caan ku ah lacago lagu siiyay in ay xayaysiiyaan habka Bitcoin oo sicirkeeda sabaynayo.

Balse dowladdo badan ayaa ka digaya halista Bitcoin , iyada oo xitaa muftiga jaamacadda Azhar uu ku tilmaamay in ay xaaraam tahay.

Mowduucyada la xiriira